Хламидиоз ұзақ уақыт бойы білінбеуі мүмкін

Хламидиоз – негізінен жыныстық жолмен жұғатын инфекция. Оның басты ерекшелігі – ауру көбіне айқын белгілерсіз өтеді, сондықтан адам жұқтырғанын білмеуі де мүмкін.

«Хламидиоз ұзақ уақыт бойы еш белгі бермеуі мүмкін. Сондықтан кейде адам дәрігерге ауру асқынған кезде ғана жүгінеді», – дейді Қазақ дерматология және инфекциялық аурулар ғылыми орталығының директоры Роза Қуанышбекова.

Кейде бөлінділер, жайсыздық немесе зәр шығару кезінде ауырсыну, іштің төменгі бөлігінің ауыруы сияқты белгілер байқалуы мүмкін. Инфекцияны емдемеген жағдайда әйелдерде ол қабыну ауруларына және репродуктивті денсаулыққа байланысты мәселелерге әкелуі мүмкін.

2026 жылдың бірінші жартыжылдығында Қазақстанда хламидиозбен сырқаттанушылық көрсеткіші 100 мың тұрғынға шаққанда 6,0 жағдайды құрады, ал былтырғы жылдың осы кезеңінде бұл көрсеткіш 5,9 болған. Өсім мардымсыз – 0,1 жағдай немесе 1,7%. Ең бастысы – тек өзіңізді қалай сезінетініңізге ғана сүйенбеу. Инфекцияға күдік туындаған жағдайда дәрігерге жүгініп, тексеруден өту маңызды. Уақтылы диагностика жасау емдеуді дер кезінде бастауға және асқынудың алдын алуға көмектеседі.