«Мен істей аламын!»: «Ковчег» және «Солнышко» орталықтарының балалары үшін Fitness Day өткізілді
Herbalife Отбасылық қоры (HFF) және AYALA қоры «Ковчег» және «Солнышко» қолдау орталықтарынан 50 балаға арналған Fitness Day ұйымдастырды.
Дене шынықтыру деңгейіне қарамастан әр бала қатыса алатындай, тренингтер мен спорттық нормативтердің орнына ұйымдастырушылар бағдарламаны көңілді эстафеталарға, белсенді ойындарға және командалық сынақтарға құрды.
Дүниежүзілік денсаулық сақтау ұйымы 5–17 жастағы балалар мен жасөспірімдерге күніне кемінде 60 минут орташа және жоғары қарқынды физикалық белсенділікті ұсынады. Қолдау орталықтарында тұратын балалар үшін тұрақты қозғалыс тек физикалық пішінінің мәселесі ғана емес, әлеуметтік бейімделудің бір бөлігі де болып табылады.
Мерекенің жүргізушісі Herbalife брендінің елшісі Уәлихан Тен болды, спорттық бағдарламаны брендтің фитнес-сарапшысы Валерия Немая әзірледі. Ұйымдастырушылар ең жылдам және ең күштілерді анықтаудан бас тартты: Fitness Day ісшарасының мақсаты – балаларға физикалық белсенділіктің ләззат әкелетінін, достар табуға және команданың қолдауын сезінуге көмектесетінін көрсету.
AYALA қайырымдылық қоры Қазақстанда 2007 жылдан бері жұмыс істейді. Осы уақыт ішінде қор 200-ден астам іс-шара өткізді, оның мерекелеріне 6 000-нан астам бала қатысып үлгерді. «Осындай күннен кейін балалар оларды бүкіл команда қолдап жатқанын сезініп, оқуға қайта оралады деп үміттенеміз. Мұндай мерекелерден кейін балалар өзін басқаша ұстайды, жаңа нәрселерге ынтамен кіріседі. Herbalife компаниясына «Солнышко» және «Ковчег» орталықтарының тәрбиеленушілеріне арналған мейірімді жобалары үшін алғыс айтамыз, – деп бөлісті AYALA қорының негізін қалаушы және президенті Айдан Сүлейменова.
Бұдан бұрын Casa Herbalife бағдарламасы аясында Herbalife Отбасылық қорының (HFF) қолдауымен 35 баланың үйіне айналған «Ковчег» орталығында асүйге арналған кәсіби жабдықтар орнатылды: газ плитасы, тұмшашкаф, өнеркәсіптік таба және жұмыс үстелдері. Осындай жаңғырту «Солнышко» орталығында да жүргізілді. Fitness Day бұл қолдауды асүйден тыс кеңейтті – тамақтануға қамқорлыққа қозғалыс пен бірлескен спорт тәжірибесі қосылды.
«Біз үшін балаларды қолдау тек бір науқанмен немесе бір жобамен шектелмеуі маңызды. Салауатты өмір салты көп нәрседен тұрады: толыққанды тамақтану, қозғалыс, қарым-қатынас, қолдау және өзіне деген сенімділік. Fitness Day – балаларға жағымды тәжірибе сыйлау және белсенді болу міндетті түрде рекордтар мен жарыстар туралы емес екенін көрсету мүмкіндігі. Бұл, ең алдымен, қозғалыстан алынатын ләззат, команда және «Мен істей аламын!» деген сезім. Дәл осындай сәттерді біз тәуелсіз серіктестерімізбен бірге жасағымыз келеді», – деді Қазақстан мен Қырғызстан бойынша Herbalife бизнесті дамыту басшысы Игорь Гончаров.
Күннің басты нәтижесі секундомердегі секундтар немесе турнир кестесіндегі орындар емес, әр баланың үйге оралғандағы «Мен істей аламын!» сезімі болды.