№16 Қалалық емхананың онколог дәрігері Гульфия Шамсутдинова бүйрек ісіктері көбіне 50-70 жастағы адамдарда кездесетінін атап өтті, дегенмен бұл ауру жасөспірімдерде, тіпті балаларда да кездесуі мүмкін.
Бұл ісіктің даму факторларының бірі темекі шегу, семіздік, ауырсынуды басатын дәрілерді асыра пайдалану, кәсіби факторлар болып табылады, мысалы, бұл аурудың қаупі металлургия өнеркәсібі, былғары өндірісі және т.б. өндірістегі жұмысшыларда айтарлықтай ықтимал.
«Сондай-ақ отбасылық бүйрек обыры жағдайында көрінетін генетикалық факторлар да бар, мысалы, Фон Гиппель-Линдау синдромы. Бұл жағдайларда аурудың жас кезінде дамуы, екі бүйректе де ісіктердің жиі дамуы және бүйректе көптеген обыр ошақтарының пайда болуы тән», — дейді онколог.
Бүйрек адам ағзасының тереңінде орналасқанын, көбінесе ісіктер өте ұзақ өсетінін және күдіктенетін белгілер пайда болғанға дейін үлкен мөлшерге жететінін ескеру маңызды.
Гульфия Шамсутдинованың айтуынша, бүйрек обыры жиі кездесетін белгілерінің бірі — зәрдегі қанның пайда болуы. Көбінесе, осыдан кейін бүйрек аймағында қан ұйығыштарының бітелуіне байланысты өткір ауырсынулар пайда болады, олар әдетте ұйысқан қан зәрмен кеткеннен кейін басылады. Бел аймағындағы ауырсыну бүйрек обырында екінші жиі кездесетін белгі болып табылады. Сондықтан, онколог тағы да: «Медициналық зерттеулерден өтуден қорқудың қажеті жоқ»,- деп профилактикалық тексеруден өту маңыздылығын атап өтті.
«Ісікті ерте сатысында анықтау әрқашан емдеу үдерісін жеңілдетеді және толық емделеді. Диагнозды ерте сатысында білу — бұл үкім емес, бұл ауруды жеңіп, бақытты ұзақ өмір сүруге деген үлкен мүмкіндік», — деп қорытындылады ол.
Сіз жаңалықтар туралы не ойлайсыз