17 қараша — бүкіл әлемде шала туған нәрестелер мәселесіне назар аударатын күн.
Бұл күні N2 қалалық перинаталдық орталықта
шала туған балаларға көмек көрсетуге арналған салтанатты іс-шара өтті.
Іс-шара перинаталдық орталықта емделіп жатқан балалар туралы бейнеролик көрсетуден басталды.
Стендтерде балалардың туған кездегі және қазіргі кездегі суреттері ұсынылды.
Іс-шара бағдарламасына орталық қызметкерлерінен басқа медицина ғылымдарының докторы, ҚРМУ неонатология кафедрасының профессоры Дилара Качурина, неонаталдық невропатолог, ҚРМУ неонатология кафедрасының профессоры Латина Текебаева, сондай-ақ осы орталықта шала туған балалардың ата-аналары қатысты.
Балалардың аналары медицина қызметкерлеріне алғысын білдірді.
«Мен ұлымды шала тудым. 10 күн акушер-дәрігерлер, неонатологтар және анестезиологтар баланың өмірі үшін реанимацияда күресті, ол төрт күн бойы СИПАП аппаратында болды (өкпені тұрақты оң қысыммен жасанды желдету режимі). Жағдай тұрақтанғаннан кейін бала одан әрі күтім жасау үшін неонатология бөліміне ауыстырылды, онда мен онымен бірге болдым. Күн сайын ұлым белсенді түрде салмақ жинады. №2 қалалық перинаталдық орталықтың дәрігерлер бригадасының үйлесімді жұмысының арқасында баламның жағдайы қалыпқа келді. Бүгін біз 2,5 жастамыз. Мен дәрігерлерге және барлық медициналық қызметкерге көрсеткен көмегі үшін шын жүректен алғыс білдіремін. Тағзым етіп, бас иемін», — деп атап өтті орталықтың пациенті, сәбидің анасы.
Жыл басынан бері Қалалық перинаталдық орталықта 299 шала туған бала дүниеге келді. Оның 75-і дене салмағы өте төмен шала туған нәресте.
Шала туған нәрестелер өмір сүру және толық даму үшін ерекше күтім мен назарды қажет ететіні сөзсіз, мұнда ақ халатты абзал жандардың рөлі зор.
«Мұндай балаларды күту үшін күрделі жабдық, қымбат дәрі-дәрмек, жоғары білікті медициналық қызметкерлер және, әрине, ата-ананың шексіз сүйіспеншілігі мен шыдамдылығы қажет. Шала туған нәрестелерді күту нақты, жоғары технологиялық және ең қарқынды күтімді қажет етеді. Сонымен қатар, шала туған нәресте үшін тек материалдық және физикалық қолдау ғана емес, сонымен бірге ата-ана үшін психологиялық көмекті те қажет. Олар үшін бұл ауыр стресс болып табылады, өйткені шала туған баланы күту және тәрбиелеу тек дәрігерлерден ғана емес, ата-анадан да ерекше білімді, дағдыны, шыдамдылықты, табандылық пен жауапкершілікті талап етеді».- дейді директордың неонаталдық қызмет жөніндегі орынбасары Екатерина Слободенюк.
Іс-шара балаларға арналған Ашық есік күнімен жалғасты, онда олар жетекші невропатолог-профессорлардың, неонатологтардың тексеруінен өтті. Мидың нейросонографиясы, жүректің ультрадыбыстық зерттеуі жүргізілді.
Естеріңізге сала кетейік, шала туған нәресте дүниеге келген кездегі салмағына қарай бірнеше топқа бөлінеді: төмен дене салмағы – 1500 грамнан 2499 грамға дейін, өте төмен дене салмағы — 1000 грамнан 1499 грамға дейін, қатерлі өте төмен дене салмағы – 500 грамнан 999 грамға дейін.
Осындай іс-шаралар қаланың барлық перитальді орталығында өтті.
Сіз жаңалықтар туралы не ойлайсыз