Грек-рим күресінен қазақтың бұрынғы атақты балуаны Дәулет Тұрлыханов Алматыда ұлы Нұрасылдан зардап шеккен адамдармен кездесті. Күйеуі, танымал заңгермен бірге соққыға жығылған Анна Чернова төбелес туралы толығырақ айтып берді, деп хабарлайды Qazaqpress vesti.kz-ке сілтеме жасап.
Оқиға бір апта бұрын болды. Еске сала кетелік, Алматыдағы бір мейрамхананың маңында ерлі-зайыптылар жас қызды ұрып-соғып жатқан Нұрасылды тыныштандыруға тырысқан. Алайда, Тұрлыхановтың ұлы ерлі-зайыптыларға шабуыл жасады.
«Келесі күні іс әскери полицияға жіберілді. Тергеу жүріп жатыр. Бүгін тергеуші телефон соқты. Біз оларға келесі күні келістік. Әзірге жаңа ақпарат жоқ. Жалпы, бәрі әдеттегідей жүріп жатыр.
Біз құқық бұзушының әкесімен кездестік. Ол ұлының әрекеті үшін кешірім сұрады. Бірақ, біз ұлын кешірмегенімізді айттық. Жас жігіт заң алдында жауап беру керек. Ал сот ісі баршаға сабақ болу тиіс», – деді Чернова.
Айта кетелік, Тұрлыханов бұған дейін де ұлының әрекетіне жұртшылықтың алдында реакция білдіріп, құқық қорғау органдарын бұл оқиғаға қатысты шешім қабылдауға шақырған болатын.
Сіз жаңалықтар туралы не ойлайсыз