Қазақстанның ішкі сауда ережелерінің өзгеріске ұшырағаны сауда желілері мен сауда нарықтарына орасан әсерін тигізді, деп хабарлайды Qazaqpress Bizmedia.kz-ке сілтеме жасап.
Отандық өнім
Енді сауда кәсіпорындары отандық өнімдерді адамның көз деңгейінде орналастырып, қолжетімділігін қамтамасыз ету тиіс.
Қызметкерлер мен саудагерлер жұмыс істеуге рұқсаты бар ақпараты мен құжаттарын адам оқып, таныса алатындай жерге орналастыру керек. Бұл ақпарат сауда нысанының кіреберісінде немесе тұтынушы оңай танысып шыға алатындай ыңғайлы жерде орналасу керек.
Басқа да ережелер
Сауда нысандарынан тыс бөлшек сауда-саттық ережелері желілік маркетинг және қоғамдық дистрибьютор сынды әдістер мен т.б. саула тәсілдерін қайта қарастырып, жаңартты.
Енді тапсырыстарды қағаз жүзінде де, электронды түрде де жасауға болатыны анықталды.
Тапсырысты қағаз жүзінде жүзеге асырған кезде сатып алушы тапсырыс бланкісінің бірінші данасын алады, ал сатушы өзінде екінші данасын сақтап қалады. Ал, егер төлем алдын ала жасалса, ол тапсырыс бланкісінде көрсетілу тиіс.
Сатушы тапсырысқа сатып алушымен алдын ала келісіп алған соң ғана өзгерістер енгізе алады. Тапсырыс берілген тауарлардың бір бөлігі қоймада жоқ болса, сатушы сатып алушыға міндетті түрде хабарлап айтып, орнына тең бағалы тауарды ұсынуға немесе төленген ақшаны қайтаруға тиіс.
Клиент сатушыдан өз тапсырысын алғаннан кейін шот-фактура қағаз немесе электронды форматта берілу қажет. Ал, қолма-қол ақшамен төлем жасаған кезде – тауар чегі берілу тиіс.
Бұйрық 2023 жылдың 4 наурызында күшіне енеді.
Сіз жаңалықтар туралы не ойлайсыз