Қазақстан Республикасы 2023 жылды қазақ тілінде қарсы алды деп ойлайды Qazaqpress.
Өткенде қазақ тілінің мәртебесіне байланысты бірнеше мақаламыз шықты. Қазақ тілінде дұрыс аударылмаған кондитерлік тауар мен Hh түйіндемелер сайтындағы РФ үгіт-насихаты қазақ тілінің мәртебесіне байланысты жағымсыз пікір қалдырған болатын. Оның үстіне, ҚР президентінің 26 желтоқсанда Санкт-Петербургте өткен бейресми саммитте 2023 жылды «орыс тілінің жылы» қылып бекітеміз деген мәлімдемесі де елдің көңілін қалдырған еді. Бірақ, қазақстандықтар бұған қарамастан мерекені қазақ тілінде қарсы алып, жыл бойы қазақ тілінің мәртебесін көтеруге бекінген көрінеді.
Мәселен, Dopamine Voice атты дыбыстаушылар тобы Қазақстанға тәуелсіздік алған жылдан бері ене бастаған жапондық аниме мәдениетін қазақ тіліне бейімдеу жұмысын бастады. Ұйым жайлы ақпаратта «DOPAMINE VOICE – аниме мәдениеті арқылы қазақ тілінің популизациясына үлес қосу мақсатында Қазақстанның әр түрлі қалаларынан жиналған жастардың құрған жобасы. Жоба 2021 жылдың сәуір айынан бастап қарқынды жұмыс атқарып келеді. Негізгі қызметі – танымал анимелерді қазақ тіліне аударып, дыбыстау», – деп жазылған. Көп ұзамай олар 2022 жылы Хабар телеарнасына да шығып, қазіргі таңда қарқынды дамып келе жатыр.
Ұйымның портфолиосында «Титандар шабуылы (Shingeki no Kyojin)», «Шынжырлы Ара Адам (Chainsaw man)» сынды танымал анимелер аударма үстінде және алдағы уақытта т.б. жобалар жоспарланып қойған, деп жазады олар telegram арнасында.
Сонымен қатар, Dopamine Voice қоржынында «Дара Өрлеу (Solo Leveling)», «Ажал дәптері (Death note)» және т.б. қазақшаға аударылған манга томдары бар екен.
Оған қоса art, edit сынды заманауи шығармашылық арқылы Қазақ мәдениетін дамытып жүрген (Inst: @totokanat) Ақтоты Қанат есімді бойжеткен де бар.
Baribar.kz ақпараттық порталында Ақтоты жайлы «Темірбек Жүргенов академиясының студенті Ақтоты Қанат әлеуметтік желіде Тото деп танылған суретші қыз бала кезінен жапон анимесін көріп, мангасын оқып өскен. Есейе келе, шығармашылығын осы жанрмен байланыстырып көргісі келген. Сөйтіп 2020 жылдан бері Instagram-дағы парақшасына манга форматындағы жұмысымен бөлісіп жүр. Автор жапониялық манганы қазақы стильмен ұштастыруды мақсат етіпті», – деп жазылған.
Онымен қоймай бүгінгі таңда qazsoz_ қазақ тілінің сөздігі, qazaq.genius әндер аудармасы, uia.kz шығармашылық бірлестігі сияқты Қазақстанды танытып жүрген және қазақ тілінің қолданыс аясын кеңейтуге үлесін қосып жүрген өзге де қоғамдық ұйымдар бар және әрқайсысының өзіндік ерекшеліктері артып жатыр. Мысалы, Qazsoz бірлестігінің ерекшелігі – қазақ тілінде сирек кездесетін немесе күнделікті қолданыстан ғайып болған сөздерді іздеп, тауып, аудитория назарына ұсыну.
Манга, аниме сынды Жапония мәдениеті туралы толығырақ сілтеме арқылы өтіп, білуге болады: https//baribar.kz
Тоқетерін айтсақ, 2023 жыл «орыс тілінің жылы» емес, «қазақ тілінің жылы» болатынына үмітіміз бар. Dopamine Voice-пен бірге сіздерді Жаңа жылмен құттықтаймыз, құрметті оқырмандар!
Сіз жаңалықтар туралы не ойлайсыз