25 қарашада Алматыда «Бейрезиденттерге салық салудың өзекті мәселелері. Салықтық және кедендік әкімшілендіруді жетілдіру» тақырыбына байланысты конференция өтті.
Конференцияға Қазақстан Республикасы Қаржы министрлігі Мемлекеттік кірістер комитеті төрағасының орынбасары Нұржанов Жәнібек Мәулітбекұлы; ҚР Жоғары сотының судьясы Гүлжан Жақсылыққызы Әлмағамбетова; Қазақстан Республикасының Қаржы вице-министрі Біржанов Ержан Ерікұлы; ҚТҰ Басқарушы кеңесінің төрайымы, Ертілесова Жаннат Жұрғалиқызы; ҚҚС басқармасы бастығының орынбасары Мұстафин Ержан Маратұлы; Қазақстан Республикасы Қаржы министрлігі Мемлекеттік кірістер комитеті Бақылау департаментінің директоры Елдос Ермағамбетұлы Саудабаев және т.б. қатысты.
Конференцияда «Салық заңнамасын қолданудың кейбір мәселелері», «Салық базасының тетіктері арқылы пайда табатындарға қарсы шара ретінде салықтық келісімдерге байланысты шараларды жүзеге асыру туралы көпжақты конвенция» сияқты мәселелер қозғалды.
КТС және ҚҚС бойынша қосымша өндіріп алу негіздеріне келетін болсақ, Әлмағамбетова Гүлжан Жақсылыққызы дүйім жұртпен амандасып, заң жобасына енгізілген өзгерістердің қысқаша мазмұнын баяндап, «салық органдарына жалған шот-фактуралары арқылы жасалған келісім-шарттарды дау шығарып, күшін жоюға қатысты өтініш беру міндетті емес» деген тұжырымға келді. Сондай-ақ, Гүлжан Жақсылыққызы, Жамбыл облыстық сотының судьясы Әкетаев Ардақ Аманжолұлының заңнамалық жобаның 5-тармағы бойынша, яғни «еңбек және материалдық ресурстардың жетіспеушілігі мәмілені жарамсыз деп тануға негіздердің бірі болып табылады» деген бап бөлігіне қатысты мамани сауалына Еңбек және материалдық ресурстар әлі күнге дейін сот үкімін шығару кезінде ескерілуде, бірақ соттарға нұсқаулық ретінде әрбір тармақшаны арнайы жазып отыру міндетті еместігін айтты. Заң жобасының толық нұсқасымен Жоғары Соттың сайтында танысуға болады.
Сонымен қатар сайтта кілт сөздерге сүйеніп, іздеу арқылы жалған кәсіпкерлікке қатысты қолданылатын шаралар туралы білуге болады. Жалған кәсіпкерлік мәселесімен қызыққан конференция қатысушысының айтуынша, жалған кәсіпкерлікке байланысты заңнама Қылмыстық кодекстен Әкімшілік кодекске ауысып, жалған кәсіпкерлердің саны қайта өсіп кеткенін айтты.
Бұған дейін Жәнібек Мәулітбекұлы Нұржанов «бизнес тіркелу жүйесін жеңілдетуді өзі сұрағанын» түрткен болатын. Сондықтан, қазір мониторинг жүргізу әлдеқайда қиын, ал пирамидалар Қазақстан Республикасында жайқалуда. Әзірге жағдайды әрі тартсаң арба сынады, бері тартсаң өгіз өледі деген мақалмен сипаттауға болады.
Оған қоса горизонталды мониторингті (есеп жүйесінің деректеріне қол жеткізу) міндетті қылады ма деген сұраққа Ержан Ерікұлы жоқ деп жауап берді. Кәсіпкер оны ерікті түрде, өз қалауымен орната алады.
Онымен қоймай аудитория ішінен аса назар аударарлық тұлға болды. Ол өзін «АқтөбеМұнайГаз» АҚ өкілі деп таныстырды. «ҚР Қаржы министрлігі Ресей мен Қазақстан шекарасында құбыр арқылы мұнайды қабылдау және өткізу пункттерін жасайды ма?», – деген сұрағынан кейін Жаннат Жұрғалиқызы да, біз де таңырқап қалдық. «Өндірілетін мұнай баррелін есептеп, бағасын орнату үшін коэффициентті қайдан алуға болады?», – деп сұрағын өзгеше жеткізгеннен кейін қабылдау және жеткізу пункттері Саратов облысында екенін қоса айтты.
«Өкінішке қарай, біз не алатынымызды білмейміз. Саратов деректерін бе, [әлде] Қасымованың ба? Қасымова дәл қазір бізге бермей жатыр», – деді ол наразылығын білдіріп.
Жаннат Жұрғалиқызының «қай жылдан бері білмейсіз?» деген сұрақтан соң мұнай базасының өкілі 2019 жылдан бері жаңа ақпарат ала алмай жүргенін айтты. Бұрын Қасымовтан алатынын, ал қазір Қасымова ештеңе бермейтінін тағы айтты. Жаннат Жұрғалиқызы адам мұнай өндірісімен айналысып, не өндіріп жатқанын білмегені күдікті екенін түрткен болатын.
«Өкінішке қарай, солай», – деп жауап берді ол ҚХА Басқарушы кеңесі төрағасына бәсеңдеп.
Кедендік әкімшілендіруге келсек, Ержан Маратұлы тауардың ілеспе шот-фактурасына (сопроводительная накладная на товар) байланысты пилоттық жобасын ұсынды.
Ал конференция соңында С.Елдос кедендік инфрақұрылымды жаңғыртудың егжей-тегжейлі жоспарын назарға ұсынды. Өткен жылы ҚР мен ҚХР арасындағы экспорт саласында анықталған жемқорлық статистикасы 40% екені жарияланған еді. 9 айдың ішінде жаңғыртудың арқасында Қазақстан Республикасында экспорт саласындағы жемқорлық көрсеткіші 9%-ке төмендегенін мәлімдеді.
Жаннат Жұрғалиқызының «[Сыбайлас жемқорлықтың] тенденциясын 0-ге дейін қалай төмендетуге болады?» деген сұрағына спикер:
«Бизнес-процестер мен жүйелерді интеграциялап, автоматтандыру арқылы», – деп жауап берді.
Жаннат Жұрғалиқызы спикердің мәлімдемесі әлі де түсініксіз екенін айтты. Өйткені, 30 жылдың ішінде барлық министрлерден тек салыстырмалы көрсеткіштер туралы естіп келе жатқанын айтты.
«Бірақ жоспарланған дүниелердің бәрі де біртіндеп іске асырылатынына үміттенемін», – деп түйіндеді дискуссияны Жаннат Жұрғалиқызы.
Қорытындыда Жаннат Жұрғалиқызы конференция қатысушылары мен қызметкерлерге алғысын білдіріп, іс-шара демеушілерін марапаттады.
«Алдымен бүгінгі жиында бізге тіркелуге де, [қонақтар арасында] микрофон тасып жүруге де көмектескен сұлу қыздарға үлкен алғыс айтқым келеді. Бұл қыздарды бізге Алматы қаласындағы МКД-дан жіберген болатын. Осындай әдемі боп, жарқырап жүріп, көмектескендеріңізге көп рахмет! Сіздерге тезірек [қызмет жолында] өсіп, баршаңызға мәлім бір адамның орнын басуға тілектеспін», – деді ол ізгі тілекпен.
Конференцияның толық нұсқасымен Қазақстан салық төлеушілер ұйымының ank.kz ресми сайтында танысуға болады.
Сіз жаңалықтар туралы не ойлайсыз