Қазақстан –
Ынтымағы жарасқан, берекелі.
Өндіреді, өңдейді, сатады,
Азаматтарды қуантады.
Мемлекет.
Бұл ескі танымдағы жаңа поэзияның үлгісі мектеп оқушыларының күнделікті сабағында қолданылып жүргеніне біршама уақыт болды. Педагогтердің айтуынша, синквейн мектеп жасына дейінгі балалардың шығармашылық қабілеттерін дамытуға және ақпаратты жылдам әрі тиянақты түсінуге көмектеседі, деп хабарлайды Qazaqpress.
Синквейн – 5 жолдан тұратын өлең құрылымының әдісі. Сонымен қатар, олардың әрқайсысының жазылуы белгілі бір қағидалар мен ережелерге бағынады. Яғни, синквейн арқылы өткен сабақты қысша сипаттап, түйіндеуге болады.
Алғаш рет синквейнді американдық ақын Аделаида Крепси қолданысқа енгізген, ол жапондық хайку мен танка силлабикалық миниатюраларына сүйенген. Синквейндер Аделаиданың 1915 жылы жарияланған және бірнеше рет қайта басылған өлеңдер жинағына енген. Крепси бұл поэзия түрін ағылшын ақындығының қысқаша әрі тиянақты формасы деп есептеген.
Қазіргі таңда синквейндер бастауыш сыныптарына үй тапсырмасы ретінде беріледі. Оқушының ақпаратты ең жақсы қабылдайтын кез – мектепке дейінгі кезеңнен орта сыныпқа дейінгі уақыт аралығы деп ойлайды педагогтер. Әдебиет пәні бойынша қорытынды тестілеу арқылы балалардың шығармашылық қабілетін, игерілген білімді түсінуді дамыту үшін синквейн өте қолайлы тәсіл. Дегенмен, синквейн тек әдебиетте ғана емес, бағдарламалау, ақпараттық-коммуникациялық технологиялар, жаратылыстану және үш тілді лингвистикалық пәндер: қазақ, орыс, ағылшын тілдерінде де қолданылатынын айтқан жөн.
Сіз жаңалықтар туралы не ойлайсыз