Орталық қалалық клиникалық аурухананың неврология қабылдау бөлімшесіне ми қанайналымының жіті бұзушылығы күдігімен 1981 жылы туған пациент келіп түсті.
Науқас нейрохирургпен тексеріліп, содан ангиография КТ жүргізіліп, алдыңғы қосылған күре тамырының үзілген қапты аневризмасы анықталды. Шұғыл түрде нейрохирург- дәрігер Ербол Макежановпен жоғарытехнологиялық тұрғыда операция, яғни: қапты аневризманың ассистенция баллонымен эндоваскулярлы эмболизация жасалып, оның қайталама үзілгенін болдырмайды.
Аталмыш операция шағын инвазивтік емдеу әдісінде қаралған. Нейрохирург- дәрігердің айтуынша, эндоваскулярлы нейрохирургияның заманауи технологиялары бұл операцияларды бас сүйекті теспей жасау мүмкіндігін береді.
«Жамбас күре тамыры арқылы бүкіл ағзасы бойынша арнайы катетер салынып, аневризмаға енеміз де онда арнайы спиральдарды орнатамыз, содан соң аневризма қан ағымынан жансызданып осылайша қан құйылу қаупінің алды алынады. Мұндай жағдайда пациент жедел түрде хирургиялық араласуды қажет еткен. Операция сәтті өтті. Пациент реанимация бөлімшесінде оянғаннан соң белсенді түрде шағымданған жоқ, ал, бұрыннан мазасын алған бас сақинасының ауруы толығымен жойылып, 10-шы тәулікте пациент неврологиялық бұзылусыз ауруханадан шығарылды»- деді Ербол Макежанов.
Айта кетеріміз, аневризманың үзілуі пациентте қатты асқынуына, оның ішінде, геморрогиялық инсульт, жүйке жүйесінің зақымдануы немесе өлімге апара отырып, бас миына қан кетуге дейін апарады.
ОҚКА баспасөз-қызметі
Сіз жаңалықтар туралы не ойлайсыз