24 желтоқсанда Parimatch Kazakhstan еріктілері Алматыдағы Офицерлер үйінде өткен Ұлы Отан соғысы ардагерлерінің кездесуін ұйымдастыруға ат салысты.
«ҰОС ардагерлері, тыл еңбеккерлері және соғыс балалары кеңесі» қоғамдық қорының қолдауымен еріктілер ардагерлерге ыстық ықыласпен шынайы мереке ұйымдастырды. Құрметті қонақтарға көңілді әуенмен кішігірім сыйлықтар табысталды, кеш барысында ардагерлер жас ұрпаққа өз өмірлері туралы әңгімелеп, сұрапыл соғыс туралы естеліктерімен бөлісті.
“Ардагерлер біздің қолдауымызға өте мұқтаж. Біз оларға демеушілік көмек көрсетіп, жаңа жыл алдында мерекелік көңіл-күй сыйлау мүмкіндігіне ие болғанымызға қуаныштымыз», – деп Parimatch компаниясының Қазақстандағы корпоративтік еріктілер қызметінің ресми жетекшісі Виктория Андреева ойымен бөлісті.
Еріктілер қонақтарға уақытты көңілді өткізуге мүмкіндік беріп қана қоймай, сондай-ақ дәрі-дәрмектермен, азық-түлікпен қамтамасыз етті. Әр ардагерге жаңа жылдық дастарханға қажет азық-түлік себеті мен қысты жайлы өткізу үшін үйге арналған жылы халаттар сыйға тарту етілді.
Мерекелік дастарханда бас қосқан қонақтардың көңілін сырнайшы ескі әндермен көтеріп, әдемі естеліктер сыйлады. Кеудеге тізіліп тағылған ордендер мен медальдар қарт жауынгерлердің ерлігінен сыр шертіп тұрғандай көрінді. Ардагерлер жиынды тамаша тілектерімен жалғастырды.
Жиналған қауымның ішінде Ардагерлер кеңесінің төрайымы Тамара Максимова да болды. 97 жастағы ардагер отандастарына көмек көрсету үшін әлі де белсенді қызмет етуде.
Соғыс басталғанда Тамара апай тоғызыншы сынып оқушысы еді. Ол сыныптастарымен бірге әскери комиссариатқа барып, өз еркімен майданға сұранады, кейін әскери госпитальда қызмет етеді. 1943 жылы мина жарылысынан соң Тамара апай оқуына қайта оралған. Ел алдындағы ерлігі үшін Тамара Максимова 2-дәрежелі Отан соғысы орденімен және «Мәскеуді қорғағаны үшін» медалімен марапатталды. Әскери адамға тұрмысқа шығып, Кеңес Одағының түкпір-түкпірінде және жақын шетелдерде бірнеше рет қызмет етті. Тамара апай үш рет Қазақстанда қызметте болған, ақырында осы жерді тұрғылықты мекені ретінде таңдаған.
«Мұндай іс-шаралар отандастарымыздың батылдығы мен жанқиярлығын еске салады, сондай-ақ алдағы уақытта әлі талай кездесулер мен тамаша сәттер болатынына сенім ұялатады. Қымбатты ардагерлер маңдайымызға жазылған өмірді жай өткізбей, толыққанды өмір сүрсе екен деп тілер едім. Ал Parimatch Kazakhstan еріктілеріне ұйымдастыруға ат салысып, демеушілік көрсеткендері және біздің қамқорлығымыздағы азаматтарға көңіл бөлгендері үшін шын жүректен алғыс айтамын», – деді Ардагерлер кеңесінің төрайымы Тамара Максимова.
Parimatch Kazakhstan тұрақты түрде қайырымдылық шараларға қатысып тұрады және әлеуметтік осал топтарға көмектеседі. Ардагерлерден бөлек компания еріктілері медицина қызметкерлерін қолдап, жануарларға арналған панажайға бірнеше рет көмек көрсетті.
Parimatch — 26 жылдық тарихы бар халықаралық онлайн-букмекер. Бренд дүние жүзі бойынша төрт құрлықта, он мемлекетте жұмыс жасайды. Компанияның миссиясы – әлемде спортты дамыту және оны дәріптеу. Брендтің ресми серіктестері – «Челси», «Ювентус», «Лестер Сити» және «Эвертон» ФК.
Parimatch брендінің Қазақстандағы өкілдері: MMA жекпе-жекшілері Артем Резников пен Георгий Кичигин, «Кайрат» АФК-ның қақпашысы Лео Игита және волейболшы Татьяна Демьянова. Сонымен қатар, Parimatch «Қайрат» АФК, «Ақтөбе» ФК және «Сарыарқа» ХК-ның ресми серіктесі болып табылады.
«ҰОС ардагерлері, тыл еңбеккерлері және соғыс балалары кеңесі» қоғамдық қоры – бұл мұқтаж ардагерлер мен жалғыз басты қарттарға моральдық және материалдық тұрғыдан қолдау көрсететуге бағытталған пікірлестер қауымдастығы. Қордың қызметіне әлеуметтік көмек көрсету, іс-шаралар ұйымдастыру, тарихи мұралар мен соғыс ескерткіштерін сақтау, жерлеу орындарын табуға көмектесу және т.б.кіреді. Қосымша ақпарат алу үшін, қайырымдылық немесе ерікті ретінде көмек көрсету үшін sovetveteranov.kz сайтына өтіңіз.
Сіз жаңалықтар туралы не ойлайсыз