19 қазанда Еуразия Ұлттық университетінің Саясаттану кафедрасында Қазақстан халық Ассамблеясының төраға орынбасары Әзілханов Марат Алмасұлының және ЖШС «Этносаяси зерттеулер институтының» төраға орынбасары Сәдуақасова Айгүл Кәкімбекқызының қатысуымен «Қазақстанның этносаяси ахуалы» тақырыбында ашық алаң өтті, деп хабарлайды Qazaqpress.
Іс-шара екі тілде болды. Спикерлер жоба тақырыбын төрт бағытта ашты: мемлекеттік саясат, Қазақстан халық Ассамблеясының саяси өндірістік тәжірибесі, ұлттық бірегейлікті сақтау мен қазақстандықтар туралы дұрыс түсінікті қалыптастырудың жаңа әдістері, оның кедергілері.
Іс-шараны бастамас бұрын, Марат Алмасұлы этно-магистранттармен көптен бері танысқысы келгенін айтты. Магистранттардың арасында: Нұрбол Саматов, саясаттану мамандығының 1 курс магистранты және дінтанудың бакалавриаты, Жусанова Мадина, саясаттану мамандығының 2 курс магистранты және Әл-Фараби атындағы КазГУ-дің саясаттану бакалавриаты, Сәкен Хамит Берікұлы, саясаттану мамандығының 1 курс магистранты, көлік техникасының бакалавриаты.
«Сіз жайлы естігенім бар. Мадина Маратовна және т.б. менің қазіргі әріптестеріммен кезінде жұмыс істегеніңізді де білемін. Өзімнің бұрыңғы мамандығымнан кейін, осы саясаттануға түскім келді негізі, себебі қазіргі заманның мәселелерін көтеріп, талқылаудан бөлек оның шешімін де ұсыну керек деп ойлаймын», деді Нұрбол.
Танысу кезінде магистранттар мен спикерлер тәжірибе алмасты. М. Алмасұлы Қазақстанның этносаралық саласының сатылы түрде дамуын шолып өтті және ҚХА-ның құрылымы мен қызметтері жайлы айтты. Сонымен қатар мемлекеттің дамуына ең әуелі, фабрикалар мен зауыттар емес, ұлттық бірегейлік керек екенін айтты. Себебі Қазақстанның ұстанған саясаты көпэтностық демократия. Яғни, ҚР Конституциясына байланысты ұлттық шығу тегіне қарамастан барлық азаматтардың құқықтары мен бостандықтарының теңдігіне кепілдік берілген.
Бірақ ҚХА төраға орынбасарының айтуынша, «Израиль саясаттанушылары жуырда ұлтаралық қақтығыстарда Қазақстанды бірінші орынға қойды» және 2020 жылдың 8 ақпанында болған Қордайдағы қақтығысты мысал ретінде келтірді. Алайда ол түркітілдес халықтардың дәстүрі мен өмір салтының ұқсастығына және «Қазақстан Республикасының мемлекеттік тәуелсіздігі туралы» заңында Қазақстанда мекендейтін әр адамның Қазақстан азаматы ретінде құқығы барына сүйене отырып, Қазақстандағы этносаралық қарым-қатынас өзара достастық деңгейінде екенін айтты.
Сонымен қатар Айгүл Кәкімбекқызы прогресс бар жерде ұлттық болмыстың басым бөлігі күрт өзгеретінін айтты. Себебі келешек бабалардың шаруашылығын, мәдениетін, өмір салтын сақтай алмайды, сақтай алса дами алмайтынын түсіндірді. Дегенмен, әрбір ұлт өзінің тілін, дінін, дәстүрін, өнерін, ежелгі заман еңбегін мұра ретінде қабылдап, ұлттық кодын сақтай алады. Бүгінгі таңда «ұлт» термині екі жағдайда қолданылады: 1. Бір халықты өзге халықтан ажырату мақсатында (мәселен қазақ ұлты, орыс ұлты); 2. Бір мемлекетте тұратын адамдарды «ұлт» (нация) деп атайды.
«Қазақстан интеграцияланған мемлекет. Бұл дегеніміз – әрбір ұлт өкілі еш қысымсыз мемлекет азаматы ретінде оның заңдарымен көршілес өмір сүру. Бүгінгі таңда әрбір қазақстандық тіпті ұлттық, нәсілдік, діни ерекшеліктерін жеке куәлігінде көрсетпеуіне құқығы бар. Олар өз тілдерінде еркін сөйлеп, өз дәстүрлерін жандандыра алады. Бір сөзбен айтқанда, Қазақстан көпұлтты мемлекет болған соң, жердің түкпір-түкпірінен келіп қоныстанған адамдардың ежелгі салт-дәстүрлері, мәдени мұралары сақталып қалған жер кіндігі. Біз де олар сияқты Ұлттық ерекшелігімізді жоғалтып алмас үшін, тарихымызды тереңінен зерттеп, рухани байлығымызды сарп етуімізге болмайды. Бірақ интеграциялы мемлекетте көршілес ұлттар жайлы да мәлімет білмей арқа тірестіріп, өмір сүре алмаймыз. Оған дүнгендер мен қазақтардың қақтығысына деген халықтың реакциясы мысал бола алады. Немесе қазақстандықтардың ішінде сөз етіліп, ұйғырлардың айналасында шыр айналып жүрген экспансиялық жаулау туралы мифтің таралуы – халқымыздың басым бөлігінің білімсіздігіне байланысты. Сондықтан қашан да болсын агрессия танытпай, білім алып, үнемі жетіліп отыруымыз қажет. Себебі жаңа келер толық виртуалды заманда патриоттық сезім мен ұлттық кодты мұра ретінде келешекке табыстау – енді сіздердің мойныңызда», деп қорытындылады Айгүл Кәкімбекқызы.
Айта кетелік, Қазақстан халық Ассамблеясының төраға орынбасары «Маша және дударай» атты фильм туралы шетінен сөз қозғады. Марат Алмасұлының сөзінше, фильм Ассамблеяның жобасы және алғашқы 2 ресми трейлері шығып қойды. Ал толық нұсқасы Қазақстандық кинотеатрларға 30 желтоқсанда шығу жоспарлануда.
Сіз жаңалықтар туралы не ойлайсыз