34 жастағы Талдықорған тұрғыны бұрынғы қызының жеке суреттерін әлеуметтік желіге салды, деп хабарлайды Qazaqpress Tengrinews.kz-ке сілтеме жасап.
Бұны білген бойжеткен полицияға жүгініп, аталмыш факті бойынша қылмыстық тергеу ісі басталды.
Зардап шегуші 24 жасар бойжеткеннің ,іраз уақыт ер адаммен жақын қарым-қатынаста болғаны анықталды. Алайда бойжеткен 2020 жылы айырылысу туралы шешім қабылдады.
Бұған көндіге қоймаған ер азамат бір жыл бойы оны аңдып, өзіне назарын аудара алмаған соң, бойжеткеннің интимдік сипаттағы фотоларын әлеуметтік желіге саламын деп қорқыта бастаған. Осы уақытқа дейін ол бірнеше рет бұрынғы сүйіктісінің аккаунтын бұзып үлгерді. Сондай-ақ, оның атынан әлеуметтік желіде парақшалар ашып, жеке ашық суреттері мен бойжеткеннің қатысуымен түсірілген әртүрлі видеоматериалдарды жариялады.
19 шілдеде ол бұрынғы жігітіне шара қолдануды сұрап, Талдықорған полициясына жүгінген.
— Материалдармен танысқаннан кейін оның жеке басы анықталып, полицияға жеткізілді. Куәгер ретінде және қорғалуға құқығы бар адам ретінде жауап берген ер адам кінәсін мойындап, түсініктеме берді. Ол істеген ісіне өкінетінін айтты. Бұл оны жауапкершіліктен босатпайтындықтан, факті бойынша қылмыстық тергеу жалғасуда — дейді Талдықорған полиция басқармасының бастығы Асқар Нұрсапа.
Полиция «Жеке өмiрге қолсұғылмаушылықты және дербес деректер және оларды қорғау туралы заңнамасын бұзу» Қылмыстық кодекстің 147-бабы, 4-бөлігі бойынша іс жүргізіліп жатқанын хабарлады.
Күдікті бес жылға дейін бас бостандығынан айырлуы мүмкін.
Сіз жаңалықтар туралы не ойлайсыз