Құқықтық тәртіп әскерінің сарбаздарыТараз шаһарында есірткі тұтынған төрт азаматы құрықтады.
8 қараша сағат 21:00 шамасында Ұлттық ұланның 5513 әскери бөлімінен бөлінген әскери жасақ Әл-Фараби және Б.Майлин көшелері қиылысындағы қараусыз қалған ғимарат ішіндеесірткі затын тұтынған төрт азаматты ұстады. Күдіктілер қолдан жасалған құрылғы арқылы айрықша иісі бар есірткі затын пайдаланып отырған.
Әскери жасақ құрамында жасақ бастығы қатардағы Ернат Қуаныш және патрульшілер қатардағы Ерлан Әкімханұлы мен Әбдісаттар Кәнетболды.
Оқиға орнына келген кинолог маман сержант Мақсат Жұмашев өзінің «Гром» атты қызметтік итінің көмегімен ғимарат ішінен темір ыдысқа салынған және матаға түйілген айрықша иісі бар өсімдік тектес жасыл затты тапты. Күдік тудырған зат тәркіленді.
– Біз өз қызмет бағытымыз бойынша келе жатып қараусыз қалған ғимарат ішінен бірнеше адамның қатты шыққан күлкісін естідік. Қараңғы ғимаратта беймезгіл жүрген адамдар күдік тудырды. Тексеру барысында олардың есірткі затын қолданып отырғанын байқадық. Ұсталған азаматтарды тәртіп сақшыларына табыстадық, – деді әскери жасақ бастығы Ернат Қуаныш.
Күдіктілер әрі қарай мән-жайды анықтау үшін полиция қызметкерлеріне тапсырылды.
«Оңтүстік» өңірлік
қолбасшылығының баспасөз қызметі
Сіз жаңалықтар туралы не ойлайсыз