№16 Қалалық емхананың акушер-гинекологы Еркежан Тулендинова жүктілікті жасанды түрде үзудің қаупі туралы айтып берді.
«Жүктілікті жасанды түрде үзу босанған әйелдер үшін де, босанбаған әйелдер үшін де бірдей қауіпті. Бірақ бірінші жүктілікті үзу жағдайында оның салдары өте күрделі болуы мүмкін. Бұл жас қыздарды бедеулікке әкелуі мүмкін. Статистикаға сәйкес, түсік жасатқаннан кейін 100 қыздың 25-і ешқашан ана болу қуанышын сезіне алмайды. Сондықтан бірінші жүктіліктің босанумен аяқталғаны абзал», — дейді маман.
Дәрігердің айтуынша, жүктілікті үзудің хирургиялық әдісі ағзаға айтарлықтай зиянды.
«Бұл қабыну процестеріне, эндометрияның зақымдалуына және соның салдарынан эндометритке, сондай — ақ етеккір циклінің бұзылуына қауіп төндіреді», — деп атап өтті Еркежан Тулендинова.
Егер жүктілікті үзуге мәжбүр болған жағдайда, онда гинеколог медикаментозды әдісті таңдауға кеңес береді.
Сонымен, салыстыру үшін: хирургиялық араласудан кейінгі асқынулар 20% жағдайда, ал медикаментозды әдістен кейін 6% жағдайда пайда болады.
Дәрігер қажетсіз жүктіліктің алдын алуға кеңес береді. Бүгінгі таңда заманауи медицина қауіпсіз және тиімді контрацептивтік әдістердің белгілі бір арсеналына ие.
Бұл кез келген ерлі-зайыптылардың талаптары мен қалауларына сәйкес қажетсіз жүктіліктен қорғану әдісін таңдауға мүмкіндік береді.
«Ең дұрысы, контрацепция әдісін гинекологтан сенімді ақпарат алғаннан кейін ерлі-зайыптылардың өздері таңдаулары керек. Қалаусыз жүктілікті үзгеннен гөрі, алдын ала қорғанып, жүктілікті қолайлы уақытқа жоспарлаған дұрыс», — деп қорытындылады Еркежан Тулендинова.
Сіз жаңалықтар туралы не ойлайсыз