Сарқыт, алтын тіс пен cөмке - 2023 жылы қазақстандықтар таксиде нені ұмытты?

inDrive жолаушылар ең жиі ұмытып кететін 5 нәрсені атады.

Байланысты

Қасым-Жомарт Тоқаевтың бейбітшілік жолындағы жаһандық қозғалыс туралы идеясы Әлемдік және дәстүрлі діндер лидерлері VIII съезінің басты тақырыбы болмақ

Air Astana мобильді қосымшасын жаңартты

ҚР Премьер-Министрінің бірінші орынбасары Роман Скляр Қытайдағы Huawei штаб-пәтеріне барды

Көлік және қалалық қызмет көрсетуге арналған жаһандық inDrive платформасының мамандары қазақстандықтардың қолдау қызметіне жүгінген өтініштеріне талдау жасады. Алынған мәліметтерге сүйене отырып, 2023 жылға таксилерде жолаушылар жиі ұмытып кететін заттардың рейтингін жасады. Үздік 5-ке кіргендер:

Сөмке (28%)
Кілттер (23%)
Әмиян (18%)
Тарақ (11%)
Ұялы телефон (5%)

Сонымен қатар, inDrive қызықты жағдайларды атап өтті. Соның бірі: жолаушы көлікте алтын тісін (тіссауытын) жоғалтып алғанын айтып, жүргізушіден оны іздеуді сұраған. Ал қызықты табылған заттардың арасында көлік жүргізушілерінің бірі хабарлаған артқы орындықтан ұмытылған «сарқыт» салынған пакет болды.

Күніне орта есеппен жоғалған немесе табылған заттар туралы 49 хабарлама келсе, барлығы 2023 жылдың наурыз айынан қазан айына дейін автокөліктерде ұмытылған заттар туралы 12 294 хабарлама түскен. Жоғалған заттар туралы табылған заттарға қарағанда жиірек хабарлайды. Орташа есеппен жүз пайдаланушының жетеуі заттары жоғалғаны туралы хабарлады. Ал табылған заттар туралы орта есеппен жүз жүргізушінің арасынан тек бесеуі ғана мәлімет берді.

«Бір жоғалған немесе табылған сұрауды шешуге орта есеппен сегіз минуттай уақыт кетеді», — дейді Қазақстандағы inDrive қолдау қызметінің басшысы Мария Судаева. «Біз тәулік бойы қалалық ішінде сапардағы жолаушылардан ғана емес, сонымен қатар қосымшамыздың жүк тасымалдау және қалааралық жол жүру қызметтерінің пайдаланушылардан сұраныстарды аламыз. Бірақ қала бойынша сапардағы шығындар ең тез анықталады».

inDrive мамандары жүргізуші көлікте ұмытылған затты тауып алса немесе жолаушы көлікте бірдеңені ұмытып кеткенін есіне түсірсе, ең жылдам әрі дұрыс қадам – қолдау қызметіне хабарласу екенін еске салады. Мұндай сұрауды жіберудің бірнеше нұсқасы бар: қолданбаның ішіндегі чатта, электрондық пошта арқылы немесе әлеуметтік желілердегі жеке хабарламаларда жазыңыз. Компания қызметкерлері жолаушымен немесе жүргізушімен байланысып, нәтижесін өтініш берушіге хабарлайды.