«Инвестицияларға айырбастау тарифі» бағдарламасы шеңберінде коммуналдық қызметтер тарифі өзгереді. Бұл туралы Ұлттық экономика министрлігі Табиғи монополияларды реттеу комитеті Алматы қаласы бойынша департаментінің басшысы Әсел Бөденеева мәлім етті, деп хабарлайды Qazaqpress ҚазАқпаратқа сілтеме жасап.
Спикердің сөзінше, департамент табиғи монополиялардың базалық субъектілерінің сумен жабдықтау және су бұру, жылу энергиясын өндіру, жылу энергиясын беру, бөлу және жабдықтау, электр энергиясын беру қызметтері бойынша қолданылу мерзімі аяқталғанға дейін тарифтерді өзгертуге өтінімдерді, сондай-ақ электр энергиясын жабдықтау бағасының алдағы уақытта көтерілуі туралы хабарламаны қараған.
«Алматы Су» ШЖҚ МКК сумен қамту қызметінің тарифі, орташа тариф судың текше метрі үшін 63,08 теңгеден 88,09 теңгеге дейін көбейді.
«Тұрғын ауданы 30 м2 болатын 1 бөлмелі пәтерді суық сумен жабдықтау бойынша 43 теңге және кәріз үшін 41 теңге болды. Тұрғын ауданы 55 м2 болатын 2 бөлмелі пәтерді суық сумен жабдықтау бойынша — 65 теңге және кәріз үшін 60 теңге. Суық сумен жабдықтау бойынша тұрғын ауданы 70 м2 болатын 3 бөлмелі пәтерді қамту 86 теңге және кәріз үшін 81 теңге», — деді Әсел Бөденеева өңірлік коммуникациялар қызметінде өткен баспасөз мәслихатында.
Жылыту кезеңінде үйге ортақ жылу энергиясын есептеу аспаптары жоқ тұтынушылар үшін жылыту және ыстық сумен жабдықтау үшін артық төлем: тұрғын ауданы 30 м2 болатын 1 бөлмелі пәтерге — 1 032 теңге; тұрғын ауданы 55 м2 болатын 2 бөлмелі пәтерге — 1 989 теңге; тұрғын ауданы 70 м2 болатын 3 бөлмелі пәтерге — 2 402 теңге, оның ішінде ыстық сумен жабдықтау бойынша 90 теңге көлемінде.
Сіз жаңалықтар туралы не ойлайсыз