«Самұрық-Қазына» қорының 15 жылдығын мерекелеу аясында Air Astana әуекомпаниясы 4-ші шілдеде Астанадағы меншікті авиациялық-техникалық орталығында Қор қызметкерлері мен портфельдік компаниялардың балалары үшін өндірістік қауіпсіздік бойынша мастер-класс өткізді.
16 жасқа дейінгі оқушылар ұшқыштың кабинасында отыруға және өзін нағыз ұшқыш ретінде сезінуге, ұшақты басқару аспаптарының панелін көруге, ұшақтың қалай жұмыс істейтінін және әр рейс алдында оны қалай тексеретінін білуге, ұшу қауіпсіздігі ережелерімен және апаттық-құтқару жабдығымен танысуға мүмкіндік алды.
«Өндірістік қауіпсіздік бойынша мастер-класс біздің жастарға авиациялық-техникалық орталықтың жұмысын және авиациядағы қауіпсіздіктің маңыздылығын жақсы түсінуге көмектесті. Біз оларға ұшқыш кабинасының атмосферасын сезінуге және авиациялық қауіпсіздіктің негізгі аспектілерімен танысуға мүмкіндік бергенімізге қуаныштымыз», — деп атап өтті Air Astana қызметкерлерді басқару және әкімшілік мәселелер жөніндегі вице-президент Евгения Ни.
Сіз жаңалықтар туралы не ойлайсыз