Ақмола облысында шетелден келген 62 көлік заңсыз тіркеліп, жалпы сомасы 500 миллион теңге шығынға ұшырады, деп хабарлайды Qazaqpress Kaztag.kz-ке сілтеме жасап.
«Мамыр айының ортасында жалған құжатпен заңсыз тіркеу фактілері анықталды — шетелден әкелінген 62 көлік. Келтірілген шығын көлемі 500 млн теңгені құрады», — деп хабарлады полиция департаментінің баспасөз қызметі.
Жедел-іздестіру шараларын Ұйымдасқан қылмысқа қарсы күрес департаменті мен «Азаматтарға арналған үкімет» мемлекеттік корпорациясы» КЕАҚ Ішкі қауіпсіздік қызметі жүргізгені көрсетілген.
30 жастағы ер адам анықталды, оның қатысы тексерілуде.
«Іс Экономикалық тергеу департаментіне жіберілді. Полиция тексеруді жалғастыруда. Аталған факті сотқа дейінгі тергеп-тексерудің бірыңғай тізіліміне ҚР ҚК 3-бөлігі бойынша тіркелді. Қазақстан Республикасы Қылмыстық кодексінің 385-бабы «Жалған құжаттарды, мөртаңбаларды, мөрлерді, мемлекеттік наградалар бланкілерін қолдан жасау, жасау немесе өткізу».
Сурет көзі: pixabay.com
Discussion about this post