Тоқаев: Тоталитарлық қылмыстар халқымыздың санасында терең із қалдырды

«Бүгін біз саяси қуғын-сүргін және ашаршылық құрбандарын еске аламыз. Тоталитаризмнің қылмыстары халқымыздың өзіндік санасында терең із қалдырды. Жазықсыз жапа шеккендердің барлығына әділеттілік орнатып, тарихтың осынау қара беттерін зерттеуді жалғастыру маңызды», — деп жазды Тоқаев сәрсенбіде Twitter-дегі парақшасында.

Оның айтуынша, әрқайсымыздың міндетіміз – өткеннің сұмдық сабақтарын алып, алдағы уақытта мұндай оқиғалар қайталанбауы үшін қолдан келгеннің бәрін жасау.

«Біз ұлт бірлігін және гуманистік мұраттарға деген сенімін сақтай отырып, ең қиын сынақтардан сүрінбей өткен ата-бабаларымыздың үмітін ақтауға тиіспіз», — деп қосты Тоқаев.

Фото дереккөзі: Ақорданың баспасөз қызметі.