№2 қалалық перинаталдық орталықта туа біткен токсоплазмоз диагнозе бар баланы аман алып шықты.
Орталықтың балалар реанимациясының меңгерушісі Диляра Сыртанованың айтуынша, туа біткен токсоплазмоздың себебі жүктілік кезіндегі аналық инфекция болған.
— Бала салмағы 2912 г толық мерзімде дүниеге келді, бірақ ішкі ағзалардың дұрыс жұмыс істемеуіне әкеліп соқтырған құрсақішілік инфекция салдарынан туу жағдайы өте ауыр деп бағаланды. Бала бірден реанимация бөліміне ауыстырылды. Оның инфекциясы өте ауыр болды, миға жаппай қан кету, көптеген органдардың жеткіліксіздігі орын алды, сонымен қатар ауыр пневмония диагнозы қойылды. Мұнда ол тура бір ай жатты және жағдайы тұрақтанғаннан кейін ғана бөлімшеге ауыстырылды, — дейді дәрігер.
Жансақтау бөлімінде нәресте тыныс алу, инфузиялық, кардиотоникалық, антибактериалдық терапия алды, қан препараттарының бірнеше трансфузиясынан өтті.
Реанимациядан кейін бала бөлімшеде тағы 10 күн медициналық көмек алды.
Бүгінгі таңда баланың жағдайы қанағаттанарлық және ол кеше үйге шығарылды.
Маман аяғы ауыр әйелдерде токсоплазмоз инфекциясы негізінен құрамында кистасы бар термиялық өңделмеген етті жеу немесе ластанған тамақ не сумен, мысықтың нәжісімен таралатын ооцисталарды жұту нәтижесінде пайда болатынын атап өтті.
Жүктіліктің кеш кезеңінде әйелдерде ұрықты жұқтыру ықтималдығы жоғары. Дегенмен, жүктіліктің ерте кезеңінде де эмбрион ауыр ауруға бейім.
Жалпы, жүктілік кезінде мұны жұқтырған әйелдерде ұрықтың 30-40%-ы құрсақішілік инфекцияны жұқтырады.
Сіз жаңалықтар туралы не ойлайсыз