2006-2019 жылдар аралығында дүниежүзі бойынша орташа айлық көрсеткіші жыл сайын 2%-ке өсіп келе жатқан еді, ең жоғары өсім 2007 жылы – 3,1%-ті құрады. 2017 ж. ең төменгі көрсеткішке (1,4%) қарамастан, бұл халықтың сатып алу қабілеті жайлап артып келгенін білдіреді, деп хабарлайды Qazaqpress Bizmedia.kz-ке сілтеме жасап.
Бірақ Happy-end-ті COVID-19 бұзып кетті
COVID-19 пандемиясының экономикаға әсері қатты сезілді, бұған 2019-20 ж.ж. аралығында дүниежүзі бойынша жыл сайынғы орташа айлық көрсеткіштің 2%-тен 1,5%-ке дейін төмендегені дәлел. Төтенше жағдай режимініі қабылданғаны жалақысы төмендеу адамдарға көп зиянын тигізді, ал көп жалақы алатындар жұмыстарын сақтап қалды.
2022 ж. инфляция және логистика жүйесінің құлдырауы
2022 жылдың бірінші жартыжылдығында дүниежүзінде жалақы көрсеткіші орташа есеппен 0,9%-ке төмендеді, оған қоса бұл тенденция Қытайды қоспағанда, одан әрі нашарлап, 1,4%-ке дейін төмендеп кетті. Бұл ішінара 2021-2022 ж.ж. инфляцияның өсуіне байланысты болды және тұтынушылардың сатып алу қабілетінің төмендеуіне алып келді.
G20 елдеріндегі жалақы
2022 жылдың бірінші жартыжылдығында G20 елдеріндегі жалақы әлем бойынша орташа көрсеткішке сүйенсек, 0,9%-ке төмендепті. Әсіресе, ЕО мен Ұлыбритания елдерінде құлдырау көрсеткіші жоғары болғаны анықталды – жалақы көрсеткіші шамамен 2,2% төмендеді, ал Ұлыбританиядан тыс елдерде сатып алу қабілеті 2,4% төмендеді.
Алғаш рет Еуропалық Одақта орташа айлық көрсеткіші 2012 жылы төмендеген болатын. Кейінгі жағдайлармен салыстырсақ: сол кезде Ұлыбританияны есептен шығарса, жалақы 0,7%-ке, ал оны да есепке алса, 0,9%-ке төмендегені анықталады.
Орталық және Батыс Азиядағы жалақы
2022 жылдың бірінші жартыжылдығында Орталық және Батыс Азиядағы жалақы көрсеткіші 2,5%-ке өсіп, оны жер шарындағы ең өсімі қарқынды аймаққа айналдырды. Азия-Тынық мұхиты аймағында да жалақы көрсеткіші сәл болса да 1,3%-ке өскені байқалды. Бірақ, Қытайды санамағанда, көрсеткіш 0,7% құрайды. Оң нәтижелі көрсеткіш Біріккен Араб Эмираттарының мемлекеттерінде де байқалды: +1,2%.
Әлемнің өзге аймақтарындағы жалақы көрсеткіші
Жер шарының түкпір-түкпірінде инфляцияның өскенінен және өзге де факторларға байланысты жалақының тұтыну көрсеткіші төмендеді. Шығыс Еуропада тенденция 3,3%-ке төмендеді. Солтүстік Америкада төмендеу көрсеткіші 3,2%-ті құрады, бұл инфляцияның өсуінен және еңбек нарығына төмен жалақылы қызметкерлердің келгенінен болу мүмкін. Солтүстік, Оңтүстік және Батыс Еуропада инфляцияның кесірінен жалақының тұтыну көрсеткіші 1,9%-ке төмендеді. Латын Америка мен Кариб теңізінде 1,7% төмендесе, Африкада 0,5% құрады.
Сіз жаңалықтар туралы не ойлайсыз