«Winter Run 2023» қалалық жарысын ұйымдастыру комитеті жарыс күні Алматыда көлік жолдарының жартысы жабылатынын айтты, деп хабарлайды Qazaqpress Bizmedia.kz-ке сілтеме жасап.
Марафон 19 ақпанда Алматы қаласында өтпек. Сағат 4:00-ден 12:00-ге дейін қаланың бір бөлігі, яғни, жарыс өтетін жолдар жартылай жабылады.
Жарыстың басы «Нұрлы-Тау» бизнес орталығының жанында басталмақ. Әл-Фараби даңғылы бойымен Гагарин даңғылына дейін 10 шақырым айналып, қайтадан Нұрлы-Тауға оралады. Жалпы 3 қашықтыққа жүгіру жарысы өткізілмек – кәдімгі 10 км, 7 км скандинавтық жүріс және 3 километрлік балалар жүгірісі өткізілмек.
Сағат 04:00-ден 12:00-ге дейін Әл-Фараби даңғылының Назарбаев даңғылынан Желтоқсан көшесіне дейінгі бөлігінде көлік қозғалысы толығымен жабылады екен. Тіпті, Әл-Фараби бойындағы Меңдіқұлов көшесінің астындағы туннель де сағат 04:00-ден 12:00-ге дейін жабылады.
Есесіне Әл-Фараби даңғылының оңтүстік бөлігі енді көлік қозғалысына ашылатын болды. Ұйымдастыру комитеті жарыс қатысушыларының қозғалыс уақытын ескере отырып, тиімді жол жүру жүйесін жоспарлағанын айтты.
Сіз жаңалықтар туралы не ойлайсыз