Түркияға туыстары мен жақындарын іздеп келген қазақтар тірі қалғандар бар дегенмен қазба жұмыстары баяу жүріп жатыр дейді, деп хабарлайды Qazaqpress Zakon.kz-ке сілтеме жасап.
Rescue KZ телеграм-арнасында жарияланған хабарламаларда: «Бізге техника, крандар және іздеуді тездететін адамдар керек. Әр минут санаулы, барынша көмек қажет» делінген.
Жоғалған Қазақстан азаматының ағасы Мирболат Құрмашев бейжай қарамағандардың барлығына үндеу жолдады:
«Халайық, бізге жұртымызды табуға көмектесетін барлық нәрсе керек. 70 тонналық кран, FPV дрондары немесе камерасы бар радиомен басқарылатын кішкентай көліктер болсын, тепловизорлар, аудио датчиктер. Бәрі де бізге өте қажет».
Оның айтуынша, достары қазір үйінді астында жатыр.
«Өкінішке қарай, ешқандай техника берілген жоқ, құтқарушылар да жоқ. Өкінішке қарай, үміт шам шырақтай сөніп барады. Шынымды айтсам, енді не істерімді білмеймін. Ойымызға келген бар амал, шараны қолдандық», – деді Алмат Құрмашев.
Сонымен қатар, ол жер өте суық екенін түртіп өтті.
8 ақпан күні кешке үйінді астынан қазақстандық Сабина Мамадьярова табылды.
Бұған дейін Түркияның Қазақстандағы елшісі Уфук Экиджи із-түссіз жоғалған төрт қазақстандық жайлы хабарлаған болатын. Үшеуі Хатай провинциясында жоғалып кеткен, соның бірі Сабина еді, ал тағы біреуі Адана қаласында.
Түркияның Төтенше жағдайлар департаментінің соңғы мәліметі бойынша, 12 391 адам қаза тауып, 62 914 адам жарақат алған.
Сіз жаңалықтар туралы не ойлайсыз