Қазақстандық саясаттанушы Эдуард Полетаев Facebook парақшасында «Amanat» партиясы ең алдымен өзінің ұзақ тарихымен және сенімді қолдаушылар базасымен ерекшеленетінін жазды, деп хабарлайды Qazaqpress.
«Amanat» қысқа мерзімнің ішінде жаңа талаптарға сай мықты мемлекеттік партияға айналды. Полетаев «Amanat» монопартиядан көппартиялы жүйеге ауысқаны қуантарлық жайт дейді.
Маман «Amanat» ренессансы көптеген саяси жетістіктерге алып келетініне сенімді екен.
Оған қоса, спартия төрағасы Ерлан Қошановтың сөзін мысалға келтіріп, «Аманатты» елдегі реформалардың қозғаушы күші деп атағанын түртіп өтті.
«Біз бос уәделер мен ұрандардан бас тартып, партияны өзгертуді жұмыстарын жүзеге асырдық. Оған қоса, саяси салада ғана емес, халықтың көкейінде жүрген өзекті мәселелер бойынша да сөзден іске көштік. Партия ақырында мемлекет басшысының қоғамдық тірегі мен елімізде жүргізіліп жатқан реформалардың қозғаушы күшіне айналды. Ең бастысы, «Amanat» партиясы ең қиын сәттерде де әрқашан халықпен бірге болды және болады», – деді Қошанов 7 ақпанда өткен кезектен тыс XXV съезінде.
Спикердің айтуы бойынша, шараға 2 мыңнан астам адам қатысыпты, оның ішінде саяси кеңес мүшелері, Мәжілістің 7-ші шақырылымының бұрынғы депутаттары, өңірлерден келген делегаттар, «Жастар рухы» партиясы жастар қанатының мүшелері, мамани сарапшылар, ҮЕҰ өкілдері, бұқаралық ақпарат құралдары және т.б. Саяси кеңес бюросының шешімімен партия тізімінен 90 адам және бір мандатты округтерден 29 адам, жалпы 119 кандидат ұсынылды. Сонымен қатар, барлық деңгейдегі мәслихаттарға 3821 үміткер бар екені анықталды.
Эдуард Полетаев партияның жаңа кадр саясаты ірі бизнес өкілдерінің, жоғары лауазымды тұлғалардың, белгілі эстрада қайраткерлерінің және бір кездері партиялық тізімде «қозғаушы күш» рөлін атқарған спортшылардың үлесін азайтуға септігін тигізеді деп болжайды. Есесіне, үміткерлердің ішінде көптеген әртүрлі әлеуметтік топтардың көшбасшылары, кәсіби сарапшылар, барлық өңірлер мен сан алуан сала өкілдері барына қуанышын білдірді.
Саясаттанушы Мақсат Жақау да Полетаевтың пікірімен келісетін көрінеді. Ол да өзінің Facebook парақшасында партия дұрыс бағытта келе жатқанын және президент бастамалары бұған дәлел екенін жазды.
«Партия отаншылдық пен мемлекетшілдіктің жарғысы іспетті кешегі алашшыл ұранмен үндестігін көрсетуде. Саяси ниеті дұрыс.
Үміт, сенім, тәуекелді басты қағидаға айналдырып, өз-өзіне есебін берді, жауапкершілікті біркісідей түсінді. Бұны Президенттік бастама саяси реформаларға деген қызу қолдауымен айқындады», – деді ол.
«Жалпы айтсақ, партиялық тізімдегі 90 кандидаттың 52-сі өңірлердің атынан шығып отыр. Үміткерлердің 26-сы әйел адам, 17-і 35 жасқа дейінгі жастар, оның ішінде 5-і әйел – біреуі мүгедектігі бар адам. Негізі, партиялық тізімде 2 мүгедектігі бар адам тіркелген екен. Нәсіліне келер болсақ, үміткерлердің 68-і қазақ, 22-сі өзге ұлт өкілдері. Ішінде 24-і 7-ші шақырылымдағы Мәжілістің экс-депутаттары, 6 Президенттік жастар кадр резервінің мүшелері. Сайып келгенде 62 адам немесе үміткерлердің 68,8% «жаңа қан» екен. Партиядан ұсынылған бір мандатты округтер бойынша 29 кандидаттың ішінде «жаңа тұлғалардың» үлесі жоғары – 25 адам не 86,2%. 4 адам VII және одан да бұрынғы шақырылымдардағы Мәжілістің экс-депутаттары. Екі ұсынылған тізімде де қызмет саласы бойынша заң шығарушы органның жұмысына пайдалы мамандар, яғни, заңгерлер, экономистер, қаржыгерлер, агрария мамандары, кәсіпкерлер, саясаттанушылар, социологтар, журналистер, дәрігерлер, құрылысшылар, т.б басым», – деп түйіндеді Полетаев.
Сіз жаңалықтар туралы не ойлайсыз