Асхат Аймағамбетов М.С.Нәрікбаев атындағы КАЗГЮУ университетінде оқытушы қызметіне орналасты. Бүгіннен бастап ол дәріс оқиды, деп хабарлайды Qazaqpress Экспресске сілтеме жасап.
Университет бұрынғы ағарту ісі министрінің неліктен бұл ұсынысты қабылдағанын түсіндірді.
«Асхат Аймағамбетов өз тәжірибесі мен білімін студенттермен бөлісу мақсатында ұсынысымызды қабылдаған болатын. Оның қызметке келгені студенттердің білім сапасын да, тұлға ретінде дамуын да арттыратынына сенімдіміз», – деді М.С.Нәрікбаев атындағы КАЗГЮУ университетінде.
Асхат Аймағамбетовтың айтуынша, ол түрлі ұсыныстар мен жоспарлар дайындауда.
«Бұд жайлы жақын арада айтамын. Бірақ, ұстаздықты кез келген жұмыспен біріктіруге болады, сондықтан мен ағарту ісін де осы қызметпен қатар жалғастырамын», – деді ол.
Асхат Аймағамбетов 2022 жылдың маусымынан 2023 жылдың қаңтарына дейін Қазақстан Республикасының Ағарту ісі жөнінде министрі қызметін атқарды. Ал, оған дейін 2019-2022 ж.ж. Қазақстан Республикасының Білім және ғылым министрі болған.
Сіз жаңалықтар туралы не ойлайсыз