Алматыда Astex және Mudarabah Capital қаржы пирамидаларын құруға қатысты қылмыстық іс бойынша сот процесі жалғасуда. Танымал вайнерлер Мейіржан Төребаев, Әзімжан Саидбаев және Мейірхан Шерниязов ұйымдасқан қылмыстық топ құрып, оның басқарушылары болды деп айыпталуда, деп хабарлайды Qazaqpress Bizmedia.kz-ке сілтеме жасап.
Бүгін прокурор айыптау актісін оқыды. Айта кетелік, бұл іске ондаған жәбірленушінің де қатысы бар.
Тергеушілердің айтуынша, Astex қаржылық пирамидасы 2019 жылы құрылған. Оны Құрманғалиев өзінің туысы Мансұровтың көмегімен жылдам байып кету мақсатында құрған екен.
«Құрманғалиев қылмыстық жоспар ойлап тауып, оған туысы Мансұровты қозғаған. Кейін олар ұйымдасқан қылмыстық топ құрып, Мансұров өзінің пайдасын қуып жүріп, қаржылық пирамиданы дамыту бойынша алғышарттарын орындаумен айналысқан. Көп ұзамай «Astex» ЖШС тіркелген болатын. Құрманғалиев қаражат салған адамдарүа уәде еткен жылына 240% қайтарымын төлей алмайтынын біле тұра, ұйымдасқан қылмыстық топтың қызметін жалғастырып, жаңа клиенттерді тартты. Ол жаңа инвесторлардың санын үнемі арттырып отыру қажет екенін түсінді», – деді прокурор.
Тергеушілердің айтуынша, бірнеше айдан кейін қаржы пирамидасын құрғандар оған сенімділік пен заңдылық көрінісін қамтамасыз ету үшін атақты тұлғаларды өз қызметіне тартуға шешім қабылдады.
Сөйтіп, Руслан Бұрқанов, Әзімжан Саидбаев, Мейірхан Шерниязов ұйымдасқан қылмыстық топқа тартылды.
«Бұл адамдар ұсынылған әрекеттердің заңсыздығын түсіне тұра қаржылық пирамидаға қатысуға келісті. Сөйтіп, жаңа ЖШС «Mudarabah Capital» тіркелді. Олар келісілген ортақ капиталға байланысты үлестерін өзара пропорционалды түрде бөліп алды. Бұл компания салымшылардан ақша жинау құралы ретінде қолданылу керек еді. Mudarabah Capital мен Astex арасында өзара келісімге отырды, шартқа сәйкес біріншісі клиенттерді іздеуге, Astex атынан келісім жасасуға, келісім жасалғаннан кейін кеңес беруге және басқа да заңды операцияларды жүзеге асыруға міндеттенді. Бұл келісім Mudarabah Capital Astex-тің құрылымдық бөлімі болғанын көрсетеді», – деді прокурор.
Прокурордың пайымдауынша, Руслан Бұрқанов Mudarabah Capital директоры болып тағайындалғанын және құрылтайшыларының бірі екенін айтты.
Саидбаев, тергеушілердің айтуынша, ҰҚТ-ның негізін қалаушы – ол үгіт-насихат жұмыстарын жүргізіп, әлеуметтік желілерде жарнамалау керек еді. Ол құрылтайшылар арасында тапқан табыстарын үлестіруге де қатысқан, деп қосты прокурор.
Тергеу бойынша Шерниязов дәл сондай ролді сомдаған.
«2020 жылдың қыркүйек айының соңында жоғарыда аталған тұлғалар қаржы пирамидасын танымал ету мақсатында 1 миллионнан астам тіркелушісі бар Төребаевқа сыйақы беруді уәде етіп, бірігіп қылмыстық әрекеттер жасауға тартқан. Төребаев ұсыныстың заңсыздығын түсініп, пирамида істен шықса, қылмыстық жауапкершіліктен жалтарып құтыла алатынына сенімді болып, келісіп, ұйымдасқан қылмыстық топқа қосылған. Салымшыларға сыйақы төлеу мүмкін емес екенін, мұның заңсыз қаржылық пирамида екенін түсініп, істің қаншалықты табысты екеніне баға беріп, салымшылар өз қаражатынан айырылатынын біліп тұрып, іске кірісті», – деді прокурор.
Прокурордың сөзінше, Төребаев пирамиданы кеңінен насихаттап, оған инвестиция салуға үгіттеп, оны әлеуметтік желілерде жариялап, заңды қызмет түрін көрсету керек еді.
Сонымен қатар прокурор Төребаев та құрылтайшылар тізіміне енгізілгенін айтты. Тергеушілердің мәліметінше, ұйымдасқан қылмыстық топ мүшесінің әрқайсысында ортақ капиталдан 11-11,5% үлесі бар.
Сот отырысы жалғасуда, прокурор әлі айыптау актісін оқып біткен жоқ. Іс бойынша 10-нан астам күдікті бар.
Сіз жаңалықтар туралы не ойлайсыз