Ұлттық банк 2022 жылы Қазақстанда несие сұранысына байланысты жүргізілген сауалнаманың нәтижелерін жариялады, деп хабарлайды Qazaqpress Bizmedia.kz-ке сілтеме жасап.
3 кварталда жүргізілген зерттеу нәтижесі бойынша, банктердегі несиелер құны қаншалықты өссе де шағын және орта бизнестің несиеге деген сұранысы әлі артуда, ал ірі бизнестің сұранысы өзгеріске ұшыраған жоқ екені анықталды.
Шағын бизнес
Несие алуға қатысты шағын кәсіпкерлік субъектілерінен келген өтінімдер саны өткен кварталда 35%-ке өсіп, 417 мың өтінішті құрады. Орташа өтініш көлемі де 11%-ке өсіп, 25,6 млн теңгеге жетті.
Орта бизнес
Үшінші кварталда орта кәсіпкерлік субъектілерінен келген өтініштер саны 12%-ке өсті, бірақ өтініш көлемі 5%-ке азайды. Бұл орта бизнеске бөлінетін несиенің орташа мөлшері 251 миллион теңгеден 235 миллион теңгеге дейін төмендегенін білдіреді.
Ірі бизнес
Үшінші кварталда несие алуға байланысты ірі кәсіпкерлік субъектілерінен келген өтініштер саны 23%-ке азайды. Оған қоса, өтініштердің орташа көлемі 23%-ке азайып, 5,8 млрд теңгені құрады.
Ипотекалық несие
Үшінші кварталда нарық маусымына байланысты ипотекалық несиеге деген сұраныс артты. Қазіргі таңда адамдар жиі үй сатып алу үшін ипотекаға өтініш беруде.
Кепілдікпен және кепілдіксіз берілетін несие
Қазіргі таңда тұтыну несиесін алуға өтініш білдіргендердің саны артты, банктер ұзақ мерзімді тауарларға деген шығындардың артқанына сілтеуде, ал өзгелері оны маркетингтік науқандармен байланыстыруда. Кепілдікпен және кепілдіксіз берілетін несиеге сұраныс 15,3% және 10,3%-ке өсті.
Автокредиттер
Соңғы кездері жаңа көліктер кеш жеткізілуде, соған байланысты автонесиеге деген сұраныс та азайған. Алайда, банктер несие дағдарысы жалғасып жатса да тұтынушылық несиеге деген сұраныс төртінші кварталда әлі көтеріледі деп болжауда.
Сіз жаңалықтар туралы не ойлайсыз