Ақтөбеде суға батқан екі адамның денесі табылды

Ақтөбеде екі адам суға батып кетті, деп хабарлайды Qazaqpress ҚазАқпаратқа сілтеме жасап.

Олардың денесін құтқарушылар жағаға шығарды.

«Кеше сағат 20:40-та Ақтөбе қаласы, коммуналдық жағажай ауданында (қарама-қарсы бетінде) суға түсуге жабдықталмаған орында 2 адамның суға батып кеткені жөнінде ақпарат келіп түсті. Шақырту орнына құтқарушылар жеткен кезде 19 және 20 жастағы азаматтардың суға батқаны анықталды. Құтқарушылардың күшімен олардың денесі жағадан 40 метр қашықтықта 5 метр тереңдіктен шығарылды»,- деді облыстық ТЖД баспасөз қызметі.