Қызылорда облысының спорт саласында жұмыс істейтін шенеуніктер пара алды деп күдіктелді. Сотталғандардың арасында қазақтың атақты спортшысы Илья Ильиннің туған ағасы Алексей Ильин де бар, деп хабарлайды Qazaqpress Bizmedia.kz-ке сілтеме жасап.
Хабарламада облыстық дене шынықтыру және спорт басқармасының басшысы Оспановқа 5 миллион теңгеге, облыстық мамандандырылған балалар мен жасөспірімдер мектептерінің директорлері – Жұмабаев, Ильин, Ақбергенов, Сексембаев және Кикбаев 10-нан 20 млн. теңгеге дейін айыппұл салынды, деп жазылған.
Олар облыстағы спорт мектептеріне жүргізіліп жүрген тексерістен өтіп, оң нәтижеге ие болу үшін, инспекторға 6,5 миллион теңге көлемінде пара бермек болды деп айыпталуда.
Сотталғандар мәңгіге мемлекеттік қызмет атқару құқығынан айырылады. Үкім заңды күшіне енген жоқ.
Оқиғаның мән-жайы
Жақында Қызылорда қалалық прокуратурасының қоғамдық мүдделерді қорғау басқармасының бастығы Әлихан Базарбаевтың 6 миллион теңге алып, қамауға алынғаны белгілі болды. Кейін, бұл ақша бес балалар спорт мектебінің жұмысына оң баға беру үшін, шотына аударылғаны анықталды.
Ақшаны спорт мектептерінің жетекшілері – Иманбек Жұмабаев, Абылайхан Ақбергенов, Серік Сексембаев, Ербол Кикбаев және ауыр атлетикадан бұрынғы Олимпиада чемпионы Илья Ильиннің ағасы Алексей Ильин жинаған. Қызылорда облыстық велоспортынан олимпиадалық резерв дайындау жөніндегі мамандандырылған балалар мектебін басқарушы Алексей Ильин 2022 жылдың 17 ақпанында қамауға алынды.
Илья Ильиннің ағасы Алексей Ильиннің күдікті болғаны туралы хабар тараған соң, Илья ағасы жайлы екіұдайы сөйледі. Телефон арқылы сөйлескен ол Алексейдің інісі жоқ екенін айтты. «Менде ондай жоқ, сіз басқа номерге қоңырау шалып тұрсыз», – деп телефонды қойды ол.
Сіз жаңалықтар туралы не ойлайсыз