Жезқазған қаласында екі топ арасында жаппай төбелес болды, деп хабарлайды Qazaqpress Tengrinews.kz-ке сілтеме жасап.
Оқиға түнде Есенберлин көшесіндегі үйлердің бірінің ауласында болған. Төбелес шығарғандар ұсталды.
«Шамамен сағат 00.20-да төбелес болды. Алдын ала мәліметтер бойынша, оқ атылған. Сонымен қатар олар көлікті қиратқан. Бірнеше полиция жасағы екі-үш минут ішінде оқиға орнына келді, бірақ төбелес шығарғандар осы уақыт ішінде қашып кеткен. Жедел-тергеу және іздестіру шаралары жүргізіліп жатыр», — делінген жазба сипаттамасында.
Полиция департаментінің баспасөз қызметі де видеоға қатысты пікір білдірді.
«Оқиғаға қатысқандарды полиция қызметкерлері анықтап, Жезқазған қаласының полиция басқармасына жеткізді. Аталған факт бойынша ҚР ҚК-ның 293-бабы «Бұзақылық» бойынша қылмыстық іс тіркелді. Қазіргі уақытта оқиғаның мән-жайын анықтау бойынша тергеу шаралары жүргізіліп жатыр», — делінген ведомство хабарламасында.
Сіз жаңалықтар туралы не ойлайсыз