Орталық қалалық клиникалық ауруханаға 36 жасар жігіт: аяғының артқы жағындағы айқышты байламының үзілуі диагнозымен келді.
Ер адамға тізе буынының бүйір және алдыңғы жағының айқышты байламының зақымдануымен тізе буынының үдемелі тұрақсыздығы, сондай-ақ, буын артрозы мен анкилозы қаупі төніп тұрды. Пациентке жоғарытехнологиялық тұрғыда операция жасалып, соның барысында дәрігерлер байламын артроскопия және трансплантаттың көмегімен қалпына келтірді. Сол үшін ер адамнан асық жілігінің бұлшық етінен трансплатат, яғни, сіңірін алып, оны тізе буынына салған. Операцияға дейінгі 2 ай бұрын жігіт балдақ және мүгедектердің коляскасына отырып жүргенін айта кеткен жөн.
«Пациентке артроскопия, басқа сөзбен, «еш қай жерді тілмей» жасалған операция». Тілгеннің орнына жергілікті жерді шағын ғана тесіп, оның біріне бейнекамера тағылған артроскоп, ал, екіншісіне операцияға жасауға қажетті құрал-саймандар енгізіледі. Артқы жағының айқышты байламының зақымдануы сирек кездесетін жай деп айтса да болады. Көбінесе, мұндай кезде уақытында операция жасалмаса, алдыңғы жағының айқышты, сыртқы және ішкі бүйір байламы, буын және де тіпті тізе асты жағының тамырлары мен жүйке тамырларының қапшығы зақымданады. Біздің емханада мұндай операцияны екінші рет жасаудамыз. Операция 2,5 сағатқа созылып өте жақсы өтті — деді ортопедия бөлімшесінің меңгерушісі Қанат Тәуекелов.
Дәрігердің айтуы бойынша жас жігіт екінші күні балдақпен жүріп, ал, бесінші күні пациент 10 күнге созылған оңалтудан өтті.
«Біздің ауруханада биылғы жылдан бері, операциядан кейін денсаулықты оңалтып жақсарту үшін оңалту бөлімшесі ашылды. Жалпы, мұндай операциядан соңғы қалпына келтіру үдерісі толығымен сауыққанша орташа есеппен алғанда 1,5 айға дейін созылады» — деді ОҚКА баспасөз-қызметі.
Сіз жаңалықтар туралы не ойлайсыз