Өңірде 26788 гектар масақты дәнді дақылдар себілген. Бүгінгі күні 6517 гектар күздік бидай орылып 12500 тонна астық бастырылды, деп хабарлайды аудан әкімінің баспасөз қызметі.
Бөктерлі ауылындағы Есимжанов шаруақожалығында 163 гектар жерге бидай себілген. 1998 жылдан бері егін және мал шаруашылығымен айналысып келеді. Арпа майбұршақ секілді дақылдарды да себеді.
«Бүгінде шаруақожалықтары өзінің жұмысшыларын мал азығы үшін шөппен қамтамасыз етіп отыр. Жалпы, 3 комбайнмен камаздар қызу жұмыс жасауда. Жоспар: округ бойынша қызылшаның көлемін арттыру көзделуде, себебі шаруа қожалықтары қызылшаның пайдасының жоғары екенін түсінуде. Биылғы жылы 205 г қызылша отырғызылды. Сонымен қатар, мал санын көбейтіп егін көлемін көбейту» — дейді шаруашылық басшысы.
Жалпы, Ескелді ауданында 3123 гектарды құрайтын жаздық бидайдың 2700 гектары орылды. Тарқатып айтар болсақ, әр гектардан 18 центер жалпы өнімнен 4860 тонна бидай қамбаға құйылды.
Сонымен қатар, 16624 гектар арпаның 7300 гектары жиналып, гектарына 18 центнерден түсім берді. Бұл жалпы алғанда 14000 тонна өнімді құрап отыр.
Бүгінде аудан төңірегінде 75 дана астық оратын комбайн, 93 автомашина тіркеме-лерімен 29 дана тракторлар астақ жинау науқанында қызу жұмыс істеп жатыр.
Мал азығын дайындау жұмыстары өз жалғасын тауып, 2021-2022 жылдың мал қыстату кезеңіне қажетті деп табылатын 109,5 тонна шөптің 79,7 тоннасы яғни, керекті мөлшердің 72 пайызының дайындалғаны мәлім болды. Егіншілер тарапынан 29,8 тонна пішендеменің 17,0 тоннасы, 40,6 тонна сабанның 8,1 тоннасы әзірленген. Ендігі кезекте, шаруашылықтар сүрлем дайындауға тамыз айының 20-21 жұлдызынан бастап кірісетін болады.
Сіз жаңалықтар туралы не ойлайсыз