Ақтөбе облысының әкімі Оңдасын Оразалин шошқа фермасындағы жағдайға қатысты өз ойын білдірді.
«Бестамақта болған жағдайға байланысты барлық құзырлы мекемеге тиісті тапсырма бердім. Қазір осыған қатысты арнайы комиссия құрылды. Олар жағдайды жіті тексеретін болады. Сондай-ақ, осы салаға жауапты орынбасарым мен эколог мамандар брифинг берді. Комиссия тексерісті аяқтаған соң, барлығын ашық баяндайтын болады. Арандатушылыққа жол бермейміз. Біздің басты жетістігіміз – береке мен бірлік, тыныштық. Ауызбіршілік танытайық, әбден істің байыбына барып, сабыр сақтап, құзырлы органдардың тексеру нәтижесін күтейік», – деп жазды облыс әкімі Оңдасын Оразалин.
Еске салсақ, 19 қараша күні Ақтөбе қаласының іргесіндегі Бестамақ ауылының жүз шақты тұрғыны наразылыққа шығып, ауыл іргесіндегі шошқа фермасының жабылуын талап етті.
Сіз жаңалықтар туралы не ойлайсыз