15 минутта жалған медициналық анықтама: Алматыда Жаңа адамдар медициналық орталықты карантинге жапты

Жаңа адамдардың AntiLIPA Азаматтық науқаны жалған құжаттарды сатуға және қоғамдық қауіпсіздікке жауапсыз қарауға қарсы күреседі. Медициналық анықтама адамның денсаулық жағдайын растайды. Тиісті тексерусіз жалған құжаттарды сату және пайдалану айналадағы адамдардың денсаулығы мен қауіпсіздігіне елеулі қауіп төндіреді.

Алматыда жүргізілген рейдтер барысында Жаңа адамдар медициналық тексерусіз анықтамалар мен медициналық кітапшаларды сатып алуға болатын клиникаларды анықтады. Аяжан медициналық орталығы ерекше “жедел қызметімен” көзге түсті: бұл жерде жалған құжатты 15–20 минутта рәсімдеуді ұсынады.

Құжатты алған адам қажетті медициналық тексерулерден өтпей-ақ аспаз, тәрбиеші немесе жүргізуші болып жұмысқа орналасуы мүмкін. Бұл басқа адамдардың денсаулығы мен қауіпсіздігіне қауіп төндіреді. AntiLIPA Азаматтық науқаны Аяжан медициналық орталығын карантинге жауып, аумақты «Жалған анықтамалар» деген ескерту белгілерімен және «Қауіпті аймақ» арнайы ленталарымен қоршады. Медициналық орталық қызметкерлері мәселенің бар екенін мойындаудан бас тартты. Оқиға орнына құқықтық баға беру үшін құқық қорғау органдарының қызметкерлері келді.

Жангир Шерланов, Жаңа адамдар

«Тез әрі арзан жолды таңдауға ұмтылыс, ең алдымен, осындай анықтамаларды сатып алатын қоғамға тән.

Сондықтан өзгерістерді өзімізден бастауымыз керек. Қарапайым шешімдерден бас тартып, жеке басымызға ыңғайлы болғаны үшін алаяқтыққа көз жұма қарауды тоқтатуымыз қажет. Өйткені сұраныс ұсынысты тудырады».