AI & Digital Bridge Awards 2026 сыйлығына өтінімдер қабылдау басталды
Қазақстандағы Цифрландыру жылы аясында өтетін AI & Digital Bridge 2026 халықаралық технологиялық форумы шеңберінде жыл сайынғы AI & Digital Bridge Awards марапатына өтінім қабылдау ашылды.
Аталмыш марапат жасанды интеллект, цифрлық технологиялар мен цифрлық трансформацияны дамытуға елеулі үлес қосқан үздік жобаларды, компаниялар мен көшбасшыларды атап өтеді. Марапаттау рәсімі форумның ресми бағдарламасының құрамдас бөлігіне айналады.
Жеңімпаздардың есімі 2026 жылдың 3 қазанында Астана қаласындағы EXPO халықаралық көрме орталығының алаңында жарияланады.
2026 жылы жеңімпаздар келесі номинациялар бойынша анықталады:
- Жылдың үздік GovTech жобасы
- Жылдың үздік білім беру жобасы
- Жыл стартапы
- Жылдың үздік корпоративтік AI-трансформациясы
- Жылдың халықаралық жетістігі
- Үздік корпоративтік венчурлік қор
- Креативті индустриядағы үздік жоба
Жасанды интеллект пен цифрлық технологиялар саласында жобаларды жүзеге асырып жатқан компаниялар, стартаптар, білім беру ұйымдары, бизнес өкілдері мен технологиялық командалар қатыса алады.
Өтінімдерді қабылдау 2026 жылдың 6 қыркүйегіне дейін жалғасады.
Өтінімді AI & Digital Bridge 2026 форумының ресми сайтында немесе төмендегі сілтеме арқылы беруге болады: https://form.digitalbridge.ai/form/view/246512
AI & Digital Bridge — жасанды интеллект пен цифрлық экономиканы дамытудың басты бағыттарын талқылау үшін мемлекет, бизнес, халықаралық ұйымдар өкілдерін, инвесторларды, зерттеушілер мен технологиялық компанияларды біріктіретін Еуразиядағы ең ірі технологиялық форум. Форум 2026 жылдың 1–3 қазаны аралығында Астанада өтеді.