Пәтерлердегі салқындық пен жылытқыш бағасының өсуі: қазақстандықтар қысқа қалай дайындалып жатыр

Қазақстанда жылыту маусымы басталып кетті: кейбір қалаларда батареялар әлдеқашан жылып тұр, ал басқаларында жүйе кезең-кезеңімен қосылуда. Алматыда жылу 2025 жылғы 8 қазанда беріле бастады – алдымен әлеуметтік нысандарға, ал 10 қазаннан бастап тұрғын үйлерге қосылды. Ал кей өңірлерде, мысалы, Көкшетауда, жылу бұдан да ертерек – 25 қыркүйекте пайда болды.

Алайда орталық жылыту ресми түрде қосылғаннан кейін де пәтерлер мен кеңселерде суық сақталып жатады – радиаторлар мұздай, ал түнгі аяз әдеттегі жағдайға айналды. Суық түсе бастағаннан үй-жайларды өз бетіңше жылыту туралы ойланатын уақыт келді.

OLX Қазақстанның аналитикалық қызметі жылыту құралдары нарығына талдау жасап, қысты тиімді әрі артық шығынсыз қарсы алудың жолдарын ұсынады.

Электр жылытқыштар мен батареялар: нені таңдаған дұрыс

Орталық жылыту әлсіз жұмыс істеген жағдайда, электр жылытқыштар – үйді тез жылытуға мүмкіндік беретін жалғыз шешімдердің бірі. Алайда барлық құрылғылардың тиімділігі бірдей емес, ал дұрыс таңдалмаған жағдайда олардың энергия тұтынуы мен пайдалану шығыны қымбатқа түсуі мүмкін.

Электр жылытқыштар нарығында келесі үрдістер байқалады:

• Жаңа электр жылытқыштар орта есеппен қымбат, бірақ олардың сапасы, кепілдігі және энергия үнемдеу мүмкіндіктері жоғары.
• Қолданылған (қ/б) құрылғылар едәуір арзан, бұл шектеулі бюджет кезінде тиімді шешім болуы мүмкін. Дегенмен, оларды сатып аларда құрылғының күйін мұқият тексеру қажет: зақымның, қызып кетудің, бөгде иістің, коррозияның бар-жоғын және температура реттегіштерінің жұмысын қарау керек.

OLX Қазақстан аналитикалық қызметінің деректері бойынша, жылытқыш нарығындағы сұраныс пен ұсыныс тұрақсыз, сондықтан бұл факторды ескеру маңызды.

2025 жылдың қазан айындағы жағдай бойынша жаңа электр жылытқыштардың орташа бағасы 2024 жылмен салыстырғанда 32 703 теңгеден 36 951 теңгеге дейін көтерілді – шамамен 13% өсім. Сонымен қатар жаңа құрылғылар туралы хабарландыру саны 1 378-ден 1 046-ға дейін азайған.

Қолданылған құрылғылар бойынша жағдай керісінше: олардың орташа бағасы 24 400 теңгеден 19 346 теңгеге дейін төмендеген (шамамен 21%-ға), ал хабарландыру саны 1 310-нан 1 379-ға дейін артқан.

Маңызды көрсеткіштердің бірі – пайдаланушылардың белсенділігі: 2025 жылы жаңа үлгілер туралы хабарландырулар 3 432 жауап жинаса, қолданылған нұсқаларға 3 215 жауап келген.

Жылытқышты таңдауда оның қуатына назар аудару қажет: 10–15 м² бөлме үшін әдетте 1–1,5 кВт жеткілікті, ал үлкенірек бөлмелерге 2–3 кВт қажет. Қуаты тым төмен құрылғы бөлмені бірқалыпты жылыта алмай, үнемі жұмыс істейді де, энергияны көбірек жұмсайды. Ал қуаты жоғары, бірақ автоматты терморегуляторы бар құрылғы тиімдірек болады.

Қазірден бастап іс жүзінде атқара беруге болатын шаралар

Жылыту маусымы күтпеген қиындыққа айналмас үшін қарапайым дайындық шараларын қазірден бастаған жөн:

• Терезе мен есіктерді саңылауларға тексеріңіз. Тіпті ұсақ жарықтар да жылудың айтарлықтай бөлігі жоғалуына себеп болады. Уақытша тығыздағыштар, кілемшелер мен қалың перделер – қарапайым әрі қолжетімді шешім.
• Фасад пен қабырғаларды оқшаулаңыз, мүмкіндік болса сыртқы жағынан, болмаса ішкі қабырғалардан. Әсіресе панельді үйлерде бұл тәсіл тиімді.
• Электр жылытқышты дайындаңыз немесе сатып алыңыз, қуатына және жұмыс режимдеріне сай таңдап. Суық түспей тұрып сынақтан өткізіңіз – бөлмені толық жылыта ма, иіс немесе ақау бар ма.
• Радиаторға инвестиция жасауды ойластырыңыз, егер ұзақ мерзімді пайдалануды жоспарласаңыз. Сатып алу мен орнату құнын электр энергиясына кететін шығындармен салыстырып көріңіз, әсіресе жылытқыш жиі қолданылатын болса.
• Жылу режимін реттеңіз: термостаттарды, бағдарламаланатын таймерлерді, түнгі уақытта немесе үйде ешкім болмаған кезде температураны төмендету жүйесін қолданыңыз.