2024 жылдың 11 сәуірі, Алматы қ. – inDrive.Жүк тасымалы сервисі су тасқынынан зардап шеккен өңірлердің тұрғындары үшін символдық бағасы 1 теңгеге Қазақстан бойынша жүк тасымалдауға тапсырыс беру қызметін іске қосты. Сонымен қатар, inDrive елдегі апаттан зардап шеккен тұрғындарды қолдауға 50 мың доллар бөледі.
Сәуірдің 9-ы мен 15-і аралығында табиғи апат аймақтарындағы қазақстандықтар үшін арнайы тариф іске қосылды – ел бойынша жүк немесе жеке заттарын тасымалдауға 1 теңгеге тапсырыс беруге болады. Ол үшін inDrive қолданбасының ішінде «Жүк тасымалы» бөлімінде қабылдау және тағайындау пунктін таңдау керек, «Шанақ түрі» бөлімінде «Көмек қажет» тармағын таңдап, баға бөлімінде «1 теңге» деп белгілеу керек. Алайда, жүргізушілер әрбір орындалған тапсырыс үшін бонустық шотқа өтемақы алады.
Тариф су басу аймағында орналасқан 60 елді мекеннің тұрғындарына қолжетімді, соның ішінде Ақтөбе, Қостанай, Орал, Атырау, Құлсары және т.б. қалалар бар. Тапсырысты Қазақстан бойынша кез келген жүк көлігінің көмегімен жеткізуге беруге болады. Қайырымдылық шарасы 15 сәуірге дейін жалғасады, әрі қарай ұзарту мүмкіндігі бар. Ұсынысты шексіз пайдалануға болады, атап айтқанда, әр отбасыға немесе адам басына ешқандай шектеу жоқ.
«Апат болғанға дейін де біз бірқатар қайырымдылық ұйымдармен гуманитарлық көмек жіберу үшін тегін жүк тасымалдау қызметін көрсету бойынша жұмыс істеп келдік. Дегенмен, апаттың ауқымын ескере отырып, біз зардап шеккен өңірлердің барлық тұрғындарына қолдау көрсетуді шештік. Біз қазір елде болып жатқан қиын ахуалға шын жүректен ортақтасып, бірлескен күш-жігердің арқасында жағдайды тұрақтандыруға және зардап шеккен аймақтарды қайта ретке келтіруге болатынына сенеміз», — деп түсіндіреді inDrive.Жүк тасымалы қызметінің басшысы Артем Селян.
Сонымен қатар, төтенше жағдай енгізілген сегіз ірі қалада – Ақтөбе, Атырау, Орал, Қостанай, Арқалық, Көкшетау, Теміртау және Петропавлда – inDrive белсенді жүргізушілерге шығындарды азайту және халыққа қала ішінде қолжетімді саяхаттар ұйымдастыру мақсатында қызмет көрсету комиссиясын жабу үшін бонустар береді.
Сондай-ақ компания 50 мың доллар бөледі. Бұл қаржы гуманитарлық көмекті сатып алып, шалғай аймақтарға жеткізуге жұмсалады.
Сіз жаңалықтар туралы не ойлайсыз