2024 жылдың 1-3 наурыз аралығында Қызылорда облысында Almaty Management University (AlmaU) ҚР Экология және табиғи ресурстар министрлігі, Қызылорда облысы әкімдігі және Аралды құтқару халықаралық қорымен бірлесіп «Syr qorǵany – sekseýil» атты волонтерлік экожобасын өткізеді.
Жобаға 100-ге жуық адам қатыспақ. Олардың қатарында еріктілер, экобелсенділер, мемлекет және қоғам қайраткерлері, кәсіпкерлер бар.
Жобаның миссиясы – аймақтың экожүйесін қалпына келтіруге және экологиялық апат зардабынан қорғауға үлес қосу. Жоба Арал теңізінің құрғаған түбіне сексеуілдің 10 000 көшетін отырғызу арқылы экологиялық апат аймағының бірегей экожүйесін қалпына келтіруге бағытталған. Сексеуіл – Арал теңізінің эндемигі. Ол топырақты ұстап тұрып, желдің әсерінен эрозияға ұшырауына жол бермейді.
Сексеуіл отырғызу Арал теңізінің ұлтанындағы тұз бен құм көшкінін ұстап тұруға көмектесіп, оның дүниежүзіне таралмауына, адамзат денсаулығына кері әсерін азайтуға көмектеседі.
Жоба инициаторы – АlmaU Қамқоршылық кеңесінің мүшесі – Андрей Линник.
AlmaU ректоры Гүлнар Күренкеева: «AlmaU тұрақты даму мақсаттарын ұстанатын және жыл сайын экологиялық жобаларды ұйымдастыратын әлеуметтік жауапкершілігі бар университет. 2019 жылдан бастап «Ұлы Балқаш шақырады!» жобасын дәстүрлі түрде өткізіп келеміз. Мейлінше көп адамды экологиялық мәселелерге тарту біз үшін аса маңызды. Осы құндылықтарға сүйене отырып біз «Syr qorǵany – sekseýil» волонтерлік экологиялық жобасын қолдауға шешім қабылдадық. Өкінішке қарай, біз Аралды жандандыра алмаймыз. Алайда Арал бұл біздің ортақ жан азабымыз ғана емес, сонымен бірге үмітіміз. «Syr qorǵany – sekseýil» сияқты жобалар арқылы әрекет етуді жалғастыра беру қажет. Ерекше атап өтетін жайт, бұл коммерциялық мүддені көздемейтін күрделі, құны қымбат жоба. Бейжай қарамайтын қазақстандық бізді төрт жолмен қолдай алады: волонтер ретінде қосылады не үш пакеттік ұсыныстың бірін сатып алады (демеушілік стандарт, демеушілік стандарт плюс және демеушілік пакет). AlmaU волонтерлерді өзінің және демеуші қаражатының есебінен апарады (қазіргі уақытта 32 волонтер тіркелген). Әрбір волонтер мұқият таңдалды: физикалық дайындық пен тәжірибе қарастырылды».
Жоба жайлы толық ақпарат алу үшін слітемеге өтіңіз: https://almau4u.kz/almausekseyil
Сіз жаңалықтар туралы не ойлайсыз