Қарағанды облысында тұрғын үйлердің бірінде газ баллоны жарылды. Зардап шеккендердің жағдайы белгілі болды. Ауруханаға жатқызылғандардың бірінің жағдайы өте ауыр, деп хабарлайды Qazaqpress Tengrinews.kz-ке сілтеме жасап.
Облыстық денсаулық сақтау басқармасының баспасөз қызметі мәліметінше, оқиға орнынан облыстағы медициналық мекемелерге бес адам жатқызылған, оның үшеуі бала.
— Екі бала амбулаториялық ем алуға жіберілді, бір бала облыстық балалар клиникалық ауруханасына қанағаттанарлық жағдайда жеткізілді. Екі ересек пациенттің біреуі өте ауыр жағдайда, денесінің 80 пайызын күйік шалған. Екінші зардап шегуші — қанағаттанарлық жағдайда. Пациенттерге барлық қажетті медициналық көмек көрсетіледі, — деп хабарлады Қарағанды облысы Денсаулық сақтау басқармасының баспасөз қызметі.
Сіз жаңалықтар туралы не ойлайсыз