Алматы қаласы No36 қалалық емхананың дәрігері Әйгерім Исағалиеваның айтуынша, дұрыс тамақтану мен ұйқы, дене шынықтыру ЖРВИ мен тұмау маусымы алдында иммунитетті жақсартуға көмектеседі.
«Гормоналды ырғақты сақтау үшін сағат 23.00-ге дейін ұйықтап, таңғы 7 немесе 8-де оянған дұрыс. Күніне кем дегенде 7-10 мың қадам жүріңіз және шыңдау процедураларын ұмытпаңыз, мысалы, аяғыңызды суық сумен шайыңыз. Талшық пен дәруменге бай жеміс пен көкөністі көбірек жеңіз. Күнделікті тамақтан кофе мен алкогольді алып тастаған дұрыс. Алкогольді және кофеинді сусындар иммундық жүйені әлсіретіп, жүрек үшін қосымша стресс тудырады», — дейді ол.
Маман стрестен аулақ болуға кеңес берді, өйткені стресс иммундық жүйеге кері әсер етуі мүмкін. Гигиена туралы ұмытпаңыз, қолыңызды жуыңыз және инфекцияның алдын алу үшін дезинфекциялық құралдарды қолданыңыз.
Сонымен қатар, тұмауға қарсы вакцина алыңыз, бұл аурудың алдын алуға және иммундық жүйені нығайтуға көмектеседі. Вакцинаны тұрғылықты жеріңіз бойынша емханада тегін алуға болады.
Әйгерім Исағалиева профилактикалық дәрі-дәрмекті де қабылдауға болатынын айтады.
«Қолданар алдында сіз суық мезгілге дейін иммунитетті нығайту үшін қандай дәрумен мен минералды қабылдау керек екенін дәрігеріңізден белгеніңіз жөн. Және, әрине, маусымға сай киінуді бастау керек», — деп түйіндеді дәрігер.
Сіз жаңалықтар туралы не ойлайсыз