Комада 7 күн: алматылық дәрігерлер ауыр жағдайда түскен жүкті әйелді құтқарды

№2 қалалық перинаталдық орталыққа шұғыл түрде жедел жәрдем бригадасы жүктіліктің 6 айында өте ауыр жағдайда науқасты әкелді.

Байланысты

Алматы қаласындағы №2 Балалар қалалық клиникалық ауруханасының дәрігерлері тыныс жолына бөгде зат түскен 10 айлық сәбидің өмірін сақтап қалды

Қарағандыда Қазақстан нейрохирургтарының VI Конгресі өз жұмысын бастады

Алматыда Дүниежүзілік инсульт ұйымдарының жетекшілері алғаш рет бас қосады

Дәрігерлер барлық қажетті тексеруді өткізді, нәтижесінде науқасқа ауыр преэклапсия, ишемиялық типтегі ми қан айналымының жедел бұзылуы, мидың ісінуі, бүйректің жедел зақымдануы диагнозы қойылды.
Реанимация бөлімінің меңгерушісі Бағдат Достарбаевтың айтуынша, преэклапсия — жүктілік кезіндегі ең қауіпті асқынудың бірі, ол сананың жоғалуы мен команың дамуымен, миға қан кетумен, өкпенің ісінуімен, плацентаның мерзімінен бұрын бөлінуімен және ағзаның басқа да дисфункциясымен бірге жүруі мүмкін.
Науқастың танысының айтуынша, 6 күн бойы әйелдің қысымы өте жоғары болды, 220-ға жетті. Соның нәтижесінде науқастың басы қатты ауырды.

Науқас Өзбекстан азаматы, тұрақты тұрғылықты жері болған жоқ, сондықтан медицина қызметкерлеріне жүгінбеді.

Бас ауруын жеңілдету үшін стероидты емес қабынуға қарсы препаратты қабылдады.

Бағдат Достарбаев мұндай препараттар бүйрек жеткіліксіздігіне әкеп соқтыратын нефротоксикалық болып табылатынын атап өтті.

Науқасты бірден реанимация бөліміне көтерді. Бір күннен кейін науқас комаға түсті.

12 күн мен түн анестезиолог-реаниматологтар, акушер-гинекологтар науқастың өмірі үшін күресті. Өкпені ұзартылған жасанды желдету, бактерияға қарсы, жараға қарсы терапия, тромбоздық асқынулардың алдын алуын жүргізілді.

Тек 8 күннен кейін науқас баяу қалпына келе бастады. 10-күні әйел желдеткіштен шығарылып, өздігінен дем ала бастады. Тағы екі күн бойы ол реанимация бөлімінде бақылауда болды және жағдай тұрақтанғаннан кейін ғана ол емдеуді жалғастыратын палатаға ауыстырылды. Науқастың жағдайы қалыпқа келді, ол үйге шығуға дайындалып жатыр.

— Бастапқыда болжам қолайсыз болды, бірақ командамен науқасты құтқару үшін қолдан келгеннің бәрін жасадық. Бәрі сәтті өтті. Қазір науқас өзін жақсы сезінеді. Жақында үйге шығады. Оның өмірін аман алып қалу, денсаулығын қалпына келтіру — мамандардың: реаниматологтар, акушер-гинекологтардың, сондай-ақ орта және кіші медициналық персоналдың, мультидисциплинарлық команданың күрделі, бірақ үйлесімді жұмысының нәтижесі, — деп түйіндеді Бағдат Достарбаев.