Ер адам ауыр көз жарақатымен оңтүстік астанадағы Орталық қалалық клиникалық ауруханаға жеткізілген. Айтуынша, абайсызда құбырдың шеті тиіп, салдарынан көзінің қарашығы қозғалып кеткен, деп хабарлайды ОҚКА баспасөз қызметі.
Клиниканың офтальмология бөлімшесі меңгерушісі Гүлзат Әбдірайымованың сөзіне сүйенсек, қарашықтың жылжып кетуіне көз байламдарының жыртылуы себеп болған. Бұл өте ауыр жарақат, уақтылы емдемесе асқынып, науқас мүгедек болып қалуы мүмкін еді, дейді ол.
«Жарақат кезінде жыртылып кеткен көгілдір байламдар көздің қарашығын ұстап тұрады және оның геометриялық қозғалысын қамтамасыз етеді. Байламдар жыртылған кезде қарашық көздің әйнек тәріздес бөлігіне немесе камераларға қарай жылжып кетеді», — дейді Гүлзат Әбдірайымова.
Отаға дейін визометрия, рефракто-, кератометрия, биомикроскопия, офтальмоскопия, тонометрия, периметрия, ЭХО-графикалық зерттеу, УДЗ, циклоскопия сынды тексерулер жүргізілді. ОҚКА базасындағы заманауи қондырғылар мен микрохирургиялық техниканың арқасында пациентке күрделі операция жасалып, көзінің қарашығы ауыстырылды. 1,5 сағатқа созылған ота нәтижесінде білікті дәрігерлер науқастың көру қабілетін қалпына келтірді.
Естеріңізге сала кетсек, күрделі операция ақысы міндетті әлеуметтік медициналық сақтандыру есебінен төленді. Медициналық сақтандыру қорының қалалық филиалы деректеріне сүйенсек, 2023 жылдың бірінші жартысында Алматыдағы стационарлар мен стационарды алмастыратын көмек көрсететін клиникалар 7719 офтальмологиялық операция жасаған. Оған Қордан 2,5 млрд теңге жұмсалды.
Сіз жаңалықтар туралы не ойлайсыз