Алматыдағы сауда орталығында түрік азаматы баланы тепкен, деп хабарлайды Qazaqpress Kaztag.kz-ке сілтеме жасап.
«23 шілдеде Қарасай ауданының ӨП-не 1996 жылы туған азамат К. сауда-ойын-сауық орталығында бола жүріп, 2019 жылы туған кішкентай қызына дене жарақатын салған белгісіз ер адамға қатысты шара қолдану туралы», — деді облыстық полиция департаментінің баспасөз қызметі.
Оқиға Апорт сауда орталығында болғаны нақтыланды.
Аталған факті ҚР Қылмыстық кодексінің 293-бабының 1-бөлігі (бұзақылық) бойынша аудандық ІІБ ТЖД-на тіркелді.
Полицейлер 1998 жылы туған Түркия Республикасының азаматын ұстады. Жауап алу кезінде күдікті болған оқиғаны айтып, өз кінәсін толық мойындады.
«Қазіргі уақытта ұсталған азамат заңнамада белгіленген тәртіппен уақытша ұстау изоляторына қамалды. Сараптама тағайындалып, барлық қажетті тергеу әрекеттері жүргізілуде», — деді Алматы облысы Әділет департаментінің басшысы Бауыржан Әленов.
Discussion about this post