Жамбыл облысының полицейлері 280 келіге жуық есірткіні тәркіледі, деп хабарлайды Qazaqpress ҚР ІІМ ТЖК баспасөз қызметіне сілтеме жасап.
«Жамбыл облысында, Шу ауданы, Белбасар ауылы маңындағы құмды аймақта, Сарғау стансасында полицейлер аса ірі мөлшерде есірткі сақтады деген күдікпен 42 жастағы жергілікті тұрғынды ұстады. Облыстық полиция департаментінің есірткі қылмысына қарсы күрес басқармасының қызметкерлері есірткі тасымалы арнасын тоқтату мақсатында арнайы операция жүргізді. Бірқатар іздестіру шаралары жүргізілді: уақытша ұстау изоляторынан қарасора бұталары табылды. Жалпы салмағы – 237 келі 234 грамм. Тұрғылықты жерінен қорадан жалпы салмағы 12,6 келі құрайтын кептірілген марихуана салынған полипропилен пакеті және жалпы салмағы 24,5 келі болатын гашиш табылды», — делінген дүйсенбі күні таратқан хабарламада.
Анықталғандай, ұсталған азамат кінәсін мойындап, Шу ауданының уақытша ұстау изоляторына қамалды.
«Қазіргі уақытта аталған факті бойынша ҚР Қылмыстық кодексінің 297-бабының 3-бөлігі «Есірткі заттарды аса ірі мөлшерде өткізу мақсатында заңсыз сақтау» бойынша сотқа дейінгі тергеу амалдары басталды. Күдікті мүлкі тәркіленіп, 10 жылдан 15 жылға дейін бас бостандығынан айырылуы мүмкін», — деді ІІД бастығы Әлім Бәжікбаев.
Фото дереккөзі: polisia.kz
Discussion about this post