«Күршім ауданында – Ақбұлақ пен Егіндібұлақ ауылдарының арасында қышқыл тиелген жүк көлігі аударылып қалды. Өңірлік коммуникациялар қызметінің мәліметінше, апат салдарынан 20 тоннаға жуық күкірт қышқылы төгілген», — делінген хабарламада.
Шығыс Қазақстан облысы бойынша санитарлық-эпидемиологиялық бақылау департаменті оқиға орнында ластанған топырақты қазу жоспарланғанын қосты.
Ең жақын су көзі – бұлақ – бес шақырымдай жерде. Жергілікті тұрғындар оны пайдаланбайды, дейді әкімдік. Алайда мамандар қышқылдың төгілуіне байланысты ластанудың орын алғанын анықтау үшін бұлақтан су сынамаларын алды.