Жамбыл облысында заңсыз сақталған 250 бірліктен астам қару тәркіленді, деп хабарлайды Qazaqpress ҚР ІІМ ТЖК баспасөз қызметіне сілтеме жасап.
«Ағымдағы жылдың бірінші жартыжылдығында полицейлер 253 қару, 4431 оқ-дәрі тәркілеген. Оның ішінде 17 автомат, 70 тапанша (соның ішінде 10 PM), 147 тегіс ұңғылы, 19 винтовка және 15 граната. Тәркіленгендердің 41-і қаңтар оқиғасы кезінде Жамбыл облысы ІІД ғимаратынан ұрланған», — деді полиция департаменті бастығының орынбасары Нұржан Рахметуллаев.
Барлық фактілер бойынша сотқа дейінгі тергеу амалдары жүргізіліп, сот-баллистикалық сараптама тағайындалды.
Фото дереккөзі: Polisia.kz
Discussion about this post