Жетісу облысында жүк көлігін тексеру кезінде 10 мың қорап жалған темекі табылды

Жетісу өңірінде жүк көлігін тексеру кезінде 10 мың қорап контрафактілік темекі табылды, деп хабарлайды Qazaqpress Қаржы мониторингі агенттігінің (ҚҚА) баспасөз қызметіне сілтеме жасап.

«Тіркеу-бақылау маркалары жоқ акцизделетін (темекі) өнімдерді тасымалдады деген күдікпен тұлғаға қатысты сотқа дейінгі тергеуді Жетісу облысы бойынша ІІД департаменті жүргізіп жатыр. Жүк көлігін тексеру барысында жалпы құны 7 миллион теңгеден асатын 10 мыңнан астам қорапты құрайтын есепке алу-бақылау таңбалары жоқ темекі өнімдері табылып, тәркіленді», — делінген дүйсенбі күні таратқан хабарламада.

Қазіргі уақытта темекінің шығу тегі анықталуда.

Сурет көзі: pixabay.com