Алдағы үш күнде қазақстандықтарды қандай ауа райы күтіп тұр

«Қазақстанда 2023 жылдың 4-6 шілдесіне арналған ауа райы болжамы. Республиканың басым бөлігінде тұрақсыз ауа райы сақталады, найзағай ойнап, екпінді жел соғады, 6 шілдеде республиканың шығысында, оңтүстік-шығысында және орталығында қатты жаңбыр жауады, бұршақ жаууы мүмкін. Тек республиканың батысында ауа райы басым жауын-шашынсыз болады деп күтілуде», — делінген дүйсенбі күнгі хабарда.

Сондай-ақ, күндізгі температураның бірте-бірте көтерілуі батыста +33+39 дейін, ал республиканың қалған бөлігінде ауа температурасының аздап төмендеуі күтілуде: солтүстік-батыста және орталықта +25+35, солтүстікте +25+30°С дейін, шығыста және оңтүстік-шығыста +20+30 дейін, оңтүстікте +25+38 дейін.

Сурет көзі: pixabay.com