«Отбасы банк» АҚ («Бәйтерек» холдингінің еншілес ұйымы) кейбір телеграм арналарында деректердің болжамды жария болуы немесе ІТ-жобаның бұзылуы туралы жарияланған хабарларға жауап ретінде ресми түрде келесіні хабарлайды.
Банкте клиенттердің жеке деректерінің сақталуы алғышарт. Біз жеке деректерді қорғау және ақпаратты қорғау саласындағы заңнаманың барлық талаптарымен нормаларын қатаң сақтаймыз. Сәйкесінше, Отбасы банкіндегі деректердің сыртқа жарияланып кеткені туралы ақпарат шындыққа жанаспайтынын хабарлаймыз.
Сондай-ақ, банкте IT-жобалар жұмысында іркіліс болған жоқ. Банк қалыпты жұмыс істеп тұр. Қазіргі уақытта «Отбасы банк» АҚ 2023 жылға дейінгі даму стратегиясын жүзеге асыруда.
Стратегиялық мақсаттардың негізгісі — банк қызметін алдыңғы қатарлы технологияларды енгізу және автоматтандыру арқылы клиенттерге қызмет көрсету бойынша жоспарланған операцияларды 100% онлайн режиміне көшіру болып табылады.
Отбасы банкінде өткен аудит Отбасы банкінің жалғыз акционері – «Бәйтерек» ҰБХ» АҚ ішкі құжаттарына сәйкес жүргізген банк қызметі мен оның ішкі процестеріне стандартты аудит болып табылады.
Кез келген тексерудің қорытындысы бойынша акт жасалып, актіні орындау бойынша іс-шаралар жоспары құрылып, осы жоспардың орындалуы қадағаланады. Сондай-ақ, тексеру нәтижелері бойынша жекелеген тапсырмаларды орындамаған жағдайда қызметтің жекелеген салаларына жетекшілік ететін банк қызметкерлеріне тәртіптік жауапкершілік қарастырылуы мүмкін.
Бұл ретте, нендей жағдай туындаса, тәртіптік жауапкершілікке тарту туралы шешімді банктің Директорлар кеңесі қабылдайды.
Дереккөз: Sputnik.kz
Сіз жаңалықтар туралы не ойлайсыз